«Хабл» паказаў «каляднае» фота

На здымку бачны ўчастак туманнасці Westerhout 5. Ён знаходзіцца на адлегласці 7000 светлавых гадоў ад Зямлі. Рознакаляровыя зоркі раскіданыя на яркім чырвоным тле. «Апалонік» на здымку — гэта  так званая газаватая глобула (frEGGs), якая свабодна плавае ў прасторы і рассейваецца і з якой некалі народзіцца зорка.

Газаватыя глобулы, якія рассейваюцца, выявілі адносна нядаўна і першы раз на вяршынях вядомых «Слупоў стварэння». Падклас frEGGs вызначаецца тым, што яго прадстаўнікі маюць ярка азначаныя «галаву» і «хвост». Фотавыпарэнне ў глобулах правакуюць маладыя і гарачыя зоркі. Яны выпускаюць інтэнсіўнае ультрафіялетавае святло, якое іянізуе і рассейвае яго.