IBM прыпыніць найманне на 7800 працоўных месцаў, якія можа замяніць АІ

Так, будзе запаволенае або цалкам прыпыненае найманне на ролі ў бэк-офісе, напрыклад, у HR-аддзелы. Паводле слоў Крышны, такіх супрацоўнікаў у кампаніі каля 26 тысяч і працоўныя абавязкі 30% з іх лёгка можна аўтаматызаваць або перакласці на АІ, то-бок прыкладна 7800 чалавек. Між тым некаторыя функцыі эйчараў, хутчэй за ўсё, не будуць замененыя найбліжэйшае дзесяцігоддзе, дадаў ён. Прадстаўнік IBM адзначыў, што часткова «скарачэнне» будзе палягаць у тым, што не будуць запаўняцца пазіцыі супрацоўнікаў, якія сыходзяць.

IBM цяпер налічвае каля 260 тысяч супрацоўнікаў. У кампаніі адкрытае найманне на пазіцыі ў софтвернай распрацоўцы і па працы з кліентамі. Арвінд Крышна таксама адзначыў, што цяпер ёй значна прасцей шукаць таленты, ніж год таму. На пачатку гэтага года IBM абвясціла пра скарачэнні, якія могуць закрануць да 5 тысяч чалавек, хаця ў цэлым за першы квартал года яна наняла каля 7 тысяч.

Апошнім часам увагу грамадскасці захапілі інструменты на аснове АІ для аўтаматызацыі руцінных задач і тэхпадтрымкі, спараджэння тэксту і кода. Гэта прымусіла многіх, у тым ліку ІТ-спецыялістаў, турбавацца за свае заробкі і працоўныя месцы.