Як супрацоўнікі Amazon адрэагавалі на вяртанне да пяцідзёнкі ў офісе

Адзін з супрацоўнікаў адзначае, што цяпер правілы ў многіх выпадках сталі значна стражэйшымі ў параўнанні з тым, як каманды працавалі да кавіду: «Гэта не „вяртанне“ да таго, як было. Гэта проста крок назад».

Некаторыя нагадваюць кампаніі, што раней яна імкнулася стаць найлепшым працадаўцам на планеце. І намякаюць, што яна аддалілася ад мэты.

«Ці можна мне дамовіцца з менеджарам, каб мяне змясцілі на план павышэння прадукцыйнасці? Забраць свае грошы і сысці?» — напісаў яшчэ адзін.

«То-бок калі я павінен быць у офісе 5 дзён на тыдзень, значыць, можна пакідаць ноўтбук на працы, так? Аджа няма чаго цягнуць яго дадому», — заўважыў трэці, намякнуўшы, што пры такім графіку — ніякай працы ў вольны час.

«Дзень 1169», — напісаў яшчэ адзін. Гаворка пра колькасць дзён, якія правёў на сваёй пасадзе гендырэктар Amazon Эндзі Джэсі ад таго моманту, як заняў яе 5 ліпеня 2021 года. А яшчэ гэта адсылка да філасофіі «першага дня» заснавальніка кампаніі Джэфа Безаса: прынцып палягае ў тым, што да сваёй справы заўсёды трэба падыходзіць з такім жа энтузіязмам, як у першы працоўны дзень. Што, верагодна, будзе няпроста з «абавязалаўкай».

Некаторыя кажуць, што будуць практыкаваць «кававы бэйджынг», то-бок прыходзіць у офіс адзначыцца і выпіць кавы, пасля чаго сысці працаваць дадому. А хтосьці палічыў бы за лепшае вярнуцца за парту ў школу, чым зноў хадзіць у офіс.