Кітайская Zhipu AI прадставіла новую мадэль GLM-5.2 з кантэкстным акном у 1 мільён токенаў. Пасля анонсу акцыі кампаніі на Ганконгскай біржы выраслі на 48% у ходзе гандлю, піша SCMP.
Кітайская Zhipu AI прадставіла новую мадэль GLM-5.2 з кантэкстным акном у 1 мільён токенаў. Пасля анонсу акцыі кампаніі на Ганконгскай біржы выраслі на 48% у ходзе гандлю, піша SCMP.
GLM-5.2 цяпер даступная для агентнага праграмавання ў ZCode па падпісцы GLM Coding Plan. Тарыфы каштуюць $10, $30 і $80 у месяц. Паводле дадзеных SCMP, гэта прыкладна ў 10 разоў танней за прэміяльныя тарыфы Anthropic Claude Code і Claude Max.
Zhipu AI таксама абяцае выкласьці вагі GLM-5.2 у адкрыты доступ пад ліцэнзіяй MIT. Гэта дазволіць выкарыстоўваць мадэль у камерцыйных праектах. Кампанія плануе апублікаваць падрабязнасці архітэктуры мадэлі.
GLM-5.2 is now fully available for GLM Coding Plan users.
— ZCode (@zcode_ai) June 14, 2026
ZCode 3.0 is deeply optimized for GLM-5.2, bringing stronger Agent task execution, better long-context coding, and the new Goal feature for managing larger development objectives from planning to completion.
Coding Plan… pic.twitter.com/rYUAGEXodK
У новай версіі дадалі два ўзроўні выдаткаў на разважанні — High і Max. Бэнчмаркаў GLM-5.2 кампанія не раскрыла. Папярэдняя версія GLM-5.1, паводле дадзеных карыстальніцкага рэйтынгу LM Arena, абыходзіла апошнія мадэлі DeepSeek, Qwen і Kimi у рэжыме ШІ-агента.
Запуск GLM-5.2 супаў з абмежаваннямі на амерыканскім рынку ШІ. 12 чэрвеня Anthropic адключыла доступ да мадэляў Fable 5 і Mythos 5 для ўсіх кліентаў пасля патрабавання ўладаў ЗША заблакаваць іх для замежных карыстальнікаў. У кампаніі заявілі, што ўлады не прадаставілі канкрэтных дэталяў, якія тлумачаць прычыну забароны.
SCMP піша, што на гэтым фоне кітайскія распрацоўшчыкі ШІ спрабуюць прыцягнуць карыстальнікаў, якія шукаюць альтэрнатывы заходнім мадэлям праз высокія цэны і геапалітычныя абмежаванні.
Zhipu AI таксама апублікавала інструкцыю па падключэнні GLM-5.2 да тэрмінальнага інструмента Claude Code. Гэта можа дапамагчы кампаніі прыцягнуць распрацоўшчыкаў, якія ўжо выкарыстоўваюць агентныя інструменты для праграмавання, але хочуць знізіць выдаткі або паспрабаваць адкрытую альтэрнатыву.
Рэлацыраваліся? Цяпер вы можаце каментаваць без верыфікацыі акаўнта.