Кур'еры даставак дамагліся павышэння стаўкі — і страцілі заказы
Праграмы дастаўкі ежы адрэагавалі на патрабаванні падняць аплату працы кур’ерам у некаторых гарадах узняццем камісій. У выніку пацярпелі тыя, каму гэта мелася дапамагчы, піша Wall Street Journal. Па сутнасці, новыя выдаткі былі перакладзеныя на зусім не ўзрадаваных гэтым карыстальнікаў, якія сталі рабіць менш заказаў і пазбавілі часткі працы дастаўшчыкаў, якія ў сваю чаргу сталі кідаць такую працу.
У Нью-Ёрку ўлады кажуць, што навіна спрацавала выдатна. У Сіэтле яе ўвялі летась і ўжо збіраюцца скасоўваць праз скаргі і кур’ераў, і рэстарацый.
Улады гарадоў хочуць, каб службы дастаўкі плацілі кур’ерам мінімальную пагадзінную зарплату зыходзячы з выдаткаванага на дастаўку часу і ўзнагароджвалі самых прадукцыйных. Так, у Нью-Ёрку цяпер трэба плаціць не менш за $19,56 на гадзіну — да павышэння ў снежні стаўка ў сярэднім была роўная $5,39.
У Uber Eats у Сіэтле аб’ём заказаў упаў на 45% год да года пасля таго, як кампанія дадала збор у $4,99 да кожнага заказу, каб збалансаваць новыя зарплатныя патрабаванні. У Uber і DoorDash кажуць, што попыт знізіўся і ў Нью-Ёрку.
«Цэны сталі вар’яцкімі», — абураецца адзін карыстальнік, які раней любіў заказваць дастаўку некалькі разоў на тыдзень, а цяпер ходзіць па ежу нагамі. Паводле яго слоў, 20-доларавы бурыта з дастаўкай праз праграму цяпер абыдзецца ледзь не ўдвая даражэй.
Два гарады складаюць вельмі невялікую частку бізнэсу гэтых праграм. У DoorDash пасля новых законаў заказы ў першым квартале ўпалі ўсяго на 1%. Аднак аналітыкі адзначаюць, што эфект будзе значна хваравіцейшым, калі аналагічныя змены з’явяцца ў іншых гарадах.
Читать на dev.by