Кампанія абвясціла аб новых мерах супраць махлярства на платформе: рэкрутары і топ-менеджары будуць абавязаны пацвярджаць месца працы, а кампаніі атрымаюць магчымасць масава верыфікаваць свае старонкі.
Кампанія абвясціла аб новых мерах супраць махлярства на платформе: рэкрутары і топ-менеджары будуць абавязаны пацвярджаць месца працы, а кампаніі атрымаюць магчымасць масава верыфікаваць свае старонкі.
Цяпер карыстальнікі, якія паказваюць у профілі пасады, звязаныя з падборам персаналу (Recruiter, Talent Acquisition Specialist і інш.), а таксама кіруючыя пазіцыі (Executive Director, Managing Director, Vice President), абавязаны будуць пацвердзіць месца працы.
Праверка бясплатная і часцей за ўсё зводзіцца да пацвярджэння карпаратыўнага e-mail-адраса. Новыя правілы тычацца тых, хто дадае ці змяняе пасаду. Дзеючым рэкрутарам і кіраўнікам паўторна праходзіць працэс не спатрэбіцца.
Акрамя гэтага LinkedIn пашырае верыфікацыю для кампаній: значок «праверанай старонкі» цяпер даступны ўсім арганізацыям з падпіскай Premium Company Page. Раней паслуга прадастаўлялася абмежавана і толькі па запыце.
Па словах віцэ-прэзідэнта LinkedIn Оскара Радрыгеса, новаўвядзенне павінна дапамагчы саіскальнікам хутчэй адрозніваць легітымных прадстаўнікоў кампаній ад махляроў.
Платформа раней ужо ўкараняла антыфрод-інструменты для фільтрацыі падробных акаўнтаў і аб’яў аб працы, але цяпер узмацняе абарону на ўзроўні персанальных профіляў і карпаратыўных старонак.
З моманту запуску сістэмы верыфікацыі ў 2023 годзе больш за 80 мільёнаў карыстальнікаў ужо пацвердзілі сваю асобу. У гэтым годзе LinkedIn таксама дазволіла староннім сэрвісам, уключаючы Adobe, адлюстроўваць бэйдж Verified on LinkedIn на профілях карыстальнікаў.
Рэлацыраваліся? Цяпер вы можаце каментаваць без верыфікацыі акаўнта.