Спіс вялікіх тэхналагічных кампаній, якія ўжо прымусілі супрацоўнікаў вярнуцца ў офіс

У Zoom, якая шмат у чым спрыяла распаўсюджванню аддаленай працы, у 2022 годзе супрацоўнікам сказалі быць у офісе хаця б 2 дні на тыдзень.

Uber ад кастрычніка 2022 года папрасіў супрацоўнікаў фізічна быць на працы палову часу. У астатнія дні можна працаваць з дому, а некаторым па ўзгадненні з менеджарамі — цалкам аддалена.

Мінімум тры дні на тыдзень прысутнічаць на месцы павінны карпаратыўныя супрацоўнікі:

• Amazon ад мая 2023 года;
• Apple ад жніўня 2022 года, да гэтага былі два дні;
• Google ад красавіка 2022 года ў Сан-Францыска і некаторых іншых лакацыях у ЗША;
• у IBM ад верасня 2023 года гэта тычыцца супрацоўнікаў, якія жывуць у радыусе 80 км ад офісаў, а ад студзеня таксама ўсіх менеджараў у ЗША;
• Meta ўвяла такое патрабаванне ў верасні 2023 года;

4 дні ў верасні 2023 года загадала супрацоўнікам хадзіць у офіс Snap.

4-5 дзён ад кастрычніка мае быць у офісе большасць супрацоўнікаў Salesforce, уключаючы сэйлзаў, інжынераў ЦАДаў і тэхпадтрымку.

Працаваць 5 дзён на тыдзень:

• павінны будуць супрацоўнікі Amazon ад 2025 года;
• ад 30 верасня павінны спецыялісты па продажах Dell;
• яшчэ ў чэрвені 2022 года загадаў быць на месцы супрацоўнікам Tesla Ілан Маск;
• пасля куплі Х (тады яшчэ Twitter) ён увёў аналагічнае правіла ў сацсетку, у якой да гэтага бестэрмінова дзейнічала аддаленая праца.