Meta звольніць тысячы супрацоўнікаў на гэтым тыдні

Чатыры месяцы таму тэхнагігант скараціў 11 тысяч чалавек — 13% штату. Пазней гендырэктар Meta Марк Цукерберг абвясціў 2023 год «годам эфектыўнасці», што мае на ўвазе далейшую аптымізацыю выдаткаў. Кампанія скарачае праслойку менеджараў сярэдняга звяна, а таксама згортвае непрыярытэтныя праекты, якія не прыносяць аддачы. Толькі гэтыя меры могуць закрануць тысячы супрацоўнікаў.

Новы раўнд не звязаны з «выраўноўваннем» карпаратыўнай іерархіі. Кампанія, у якой моцна ўпала рэкламная выручка і вялікія рэсурсы з’ядае распрацоўка метасусвету, папрасіла топ-менеджараў скласці спісы супрацоўнікаў у кандыдаты на звальненне. А завяршыцца новая хваля можа ўжо на наступным тыдні — адказныя за звальненні спяшаюцца паспець да таго, як Цукерберг сыдзе ў адпачынак па доглядзе дзіцяці, якое ў яго неўзабаве мае нарадзіцца.

У кампаніі апошнім часам склалася атмасфера падвышанай трывожнасці, настрой сярод супрацоўнікаў упадніцкі. Каторыя непакояцца, што не атрымаюць бонусаў у гэтым месяцы, калі будуць звольненыя раней за час.