Microsoft абвясціла пра скарачэнне 3% персаналу. Звальненні закрануць супрацоўнікаў усіх узроўняў, ва ўсіх камандах і геаграфічных рэгіёнах. «Мы працягваем праводзіць арганізацыйныя змены, якія дазволяць палепшыць пазіцыі кампаніі для дасягнення поспеху на рынку, які дынамічна развіваецца», — адзначыў прадстаўнік кампаніі ў каментары CNBC.
Microsoft абвясціла пра скарачэнне 3% персаналу. Звальненні закрануць супрацоўнікаў усіх узроўняў, ва ўсіх камандах і геаграфічных рэгіёнах. «Мы працягваем праводзіць арганізацыйныя змены, якія дазволяць палепшыць пазіцыі кампаніі для дасягнення поспеху на рынку, які дынамічна развіваецца», — адзначыў прадстаўнік кампаніі ў каментары CNBC.
Як адзначае выданне, Microsoft завяршыла апошні квартал лепш, чым чакалася — яе чысты даход за гэты перыяд склаў $25,8 млрд. Прагноз кампанія таксама дала вельмі аптымістычны.
Паводле дадзеных на канец чэрвеня мінулага года, агульная колькасць супрацоўнікаў Microsoft складала 228 тысяч чалавек. Гэта значыць, што «пад нож» — нават з улікам скарачэнняў, што адбыліся за гэты час — могуць трапіць каля 7 тысяч чалавек.
Гэты раўнд стане самым буйным для Microsoft з 2023 года, калі яна адначасова звольніла 10 тысяч супрацоўнікаў. У студзені гэтага года кампанія таксама правяла невялікае скарачэнне сярод лоўперформераў.
Паводле слоў прадстаўніка тэхнагіганта, новыя звальненні не звязаныя з прадуктыўнасцю кадраў. Адна з мэтаў кампаніі — прарэдзіць менеджарскі слой. Amazon таксама імкнецца зрабіць сваю іерархію больш плоскай.
Рэлацыраваліся? Цяпер вы можаце каментаваць без верыфікацыі акаўнта.