Новыя звальненні? Тысячам супрацоўнікаў Meta далі дрэнныя адзнакі на перфоманс-рэв’ю

Кіраўніцтва, паводле слоў крыніц выдання, чакае, што дрэнныя вынікі рэв’ю падштурхнуць некаторых супрацоўнікаў да пошуку іншай працы і сыходу з кампаніі найбліжэйшымі тыднямі. Як сігнал да дзеяння ўспрымаюць дрэнную ацэнку і самі супрацоўнікі.

Адмоўныя адзнакі, якія кажуць пра тое, што чаканая кампаніяй прадукцыйнасць не дасягнутая, атрымала прыкладна 10% супрацоўнікаў — больш, ніж у папярэднія гады. Тым, хто двойчы запар атрымлівае дрэнную адзнаку, даюць план павышэння прадукцыйнасці — і звычайна гэта галоўныя кандыдаты на вылет.

У снежні Insider пісаў, што Meta ўдвая павысіла план па колькасці супрацоўнікаў, якія па выніках штогадовага ацэньвання працы маюць быць аднесеныя да дзвюх ніжэйшых па прадукцыйнасці катэгорый. Таксама кампанія хоча «выраўнаваць» арганізацыйную структуру і паменшыць колькасць менеджараў сярэдняга звяна.