12-гадзінныя патагонкі і спісы на звальненне: супрацоўнікі Twitter раcказалі пра новыя парадкі пры Маску

Паводле звестак CNBC, Маск адправіў у сацсетку супрацоўнікаў з іншых сваіх кампаній. Напрыклад, ён прыцягнуў 50 чалавек з Tesla, двух з The Boring Company і аднаго — з Neuralink. Ад першага дня пасля заключэння ўгоды Маск пачаў актыўна мяняць звычны парадак працы. Як паведамляе The Verge, кіраўнік Twitter даў заданне распрацоўшчыкам да 7 лістапада замяніць бягучую падпіску Twitter Blue за $5 на месяц на падпісны план для верыфікацыі акаўнтаў за $20.

Паводле ідэі бізнэсоўца, цяпер пасля верыфікацыі карыстальнікі будуць абавязаныя плаціць штомесячную падпіску. Цяперашнім верыфікаваным акаўнтам дадуць 90 дзён, каб аформіць платную падпіску, у адваротным выпадку іх статус будзе адкліканы. Акрамя таго, распрацоўшчыкам пагражае звальненне за зрыў дэдлайну. Цяпер распрацоўшчыкам даводзіцца працаваць па 12 гадзін на дзень і менш камунікавацьь у Slack, каб паспець да дэдлайну. Выданне сцвярджае, што Маск загадаў юрыстам і кіраўнікам неэфектыўных падраздзяленняў падрыхтаваць спісы на звальненне.