«Пра што вы кажаце?»: Абама раскрытыкаваў Безаса і Маска за касмічныя праекты
Былы прэзідэнт ЗША раскрытыкаваў мільярдэраў за інвестыцыі ў касмічныя праекты. Абама лічыць, што замест гэтага неабходна вырашаць праблемы на Зямлі.
«Я б палічыў за лепшае, каб мы інвеставалі ў клопат аб гэтай планеце тут. Калі я чую, як некаторыя людзі кажуць пра план каланізацыі Марса, бо навакольнае асяроддзе на Зямлі можа настолькі дэградаваць, што стане непрыдатным для жыцця, я гляджу на іх так: пра што вы кажаце?», — заявіў Абама на кліматычным саміце POwR.Earth у Парыжы.
«Ёсць адная рэч, якая рухаецца назад, — гэта свет прыроды. Мы абмянялі частку гэтай першароднай прыгажосці на ўсе гэтыя іншыя дары, якія ёсць у нас як у развітога грамадства. І мы можам мець і тое, і іншае, але для гэтага нам трэба адправіцца ў космас», — сказаў раней у інтэрв’ю Джэф Безас.
Безас заснаваў кампанію Blue Origin, якая плануе зрабіць пастаяннымі камерцыйныя палёты ў космас. У адрозненне ад Ілана Маска, які лічыць прыярытэтным праект каланізацыі Марса, Безас бачыць вялікі патэнцыял у стварэнні касмічных станцый на калязямной арбіце.
На думку бізнэсоўца, людзям у выніку давядзецца выбраць: жыць на Зямлі або на буйных касмічных станцыях. Неабходныя рэсурсы можна чэрпаць з пояса астэроідаў і калязямных аб’ектаў, абараняючы тое, што засталося на планеце. «Мне хацелася б, каб у Сонечнай сістэме жыў трыльён людзей. Калі б у нас быў трыльён людзей, у любы момант часу жыла б тысяча Моцартаў і тысяча Эйнштэйнаў», — сказаў на заканчэнне ён.
Читать на dev.by