Супрацоўнікі некалькіх кампаній расказалі Futurism пра кіраўнікоў, якія пачалі прымаць кадравыя і стратэгічныя рашэнні, абапіраючыся амаль выключна на парады чат-ботаў.
Супрацоўнікі некалькіх кампаній расказалі Futurism пра кіраўнікоў, якія пачалі прымаць кадравыя і стратэгічныя рашэнні, абапіраючыся амаль выключна на парады чат-ботаў.
Адна з супрацоўніц юрыдычнага стартапа расказала, што ейны кіраўнік спачатку пачаў генераваць праз ChatGPT лісты і паведамленні ў Slack, а потым абавязаў усю каманду звяртацца да ШІ перад сустрэчамі і перапіскай з ім.
«Ён сказаў, што мы павінны абмяркоўваць з ШІ ідэі да любой сустрэчы або размовы з ім. Інакш гэта азначае, што нам абыякава наша праца», — расказала яна.
Пазней, паводле юрысткі, начальнік пачаў прымаць на аснове дыялогаў з ChatGPT структурныя рашэнні, у тым пытанні найму і звальненняў. Ён таксама рэгулярна мяняў кірунак працы кампаніі: пасля адной размовы з чат-ботам каманда павінна была засяродзіцца на медычных прэтэнзіях, пасля другой — на банкруцтвах.
«Мае функцыі і абавязкі мяняліся з тыдня ў тыдзень: то аўтаматызацыя працэсаў, то юрыдычная стратэгія, то кіраванне камандай, то продажы. Усё гэта зыходзіла з таго, што яму казаў ChatGPT», — сказала суразмоўца выдання.
У кампаніі выкарыстоўвалі некалькі агульных платных акаўнтаў ChatGPT. Кіраўнік мог праглядаць перапіску супрацоўнікаў з ботам, але разам з тым каманда атрымала доступ да ягоных уласных чатаў і пачала сачыць за абмеркаваннямі кадравых рашэнняў.
«Ён выкарыстоўваў ШІ як лічбавага святара, галоўная задача якога — пацвердзіць, што правы ён, а ўсе астатнія памыляюцца», — сказаў супрацоўнік.
Менеджар па продажах іншай кампаніі сцвярджае, што ягоны кіраўнік перастаў прыслухоўвацца да водгукаў кліентаў. Калі ён паведамляў, што патэнцыйным пакупнікам не падыходзіць новы прадукт, заснавальнік спасылаўся на высновы ChatGPT і Claude, якія, паводле яго, пацвярджалі абраную стратэгію.
«Я казаў: „Я пагаварыў з пятнаццаццю людзьмі, і ўсе кажуць адно і тое ж“. А ў адказ чуў: „Але Claude і ChatGPT так не лічаць“», — расказаў менеджар.
Паводле яшчэ адной суразмоўцы, якая працуе ў некамерцыйнай арганізацыі, ШІ-парады начальніцы ператварыліся ў бясконцы цыкл. Кіраўнік патрабаваў укараняць прапановы чат-бота, потым сутыкаўся з тым, што яны не адпавядаюць магчымасцям арганізацыі, і адпраўляў у ШІ новы запыт замест таго, каб прыняць рашэнне.
«Нічога не зацвярджаецца канчаткова. Мае рашэнні не прымаюць, таму што іх не прапанаваў ШІ», — сказала яна.
Усе героі матэрыялу папрасілі пра ананімнасць, таму іх гісторыі нельга незалежна праверыць. Пры гэтым яны не выступаюць супраць выкарыстання ШІ ў працы: праблему яны бачаць у тым, што кіраўнікі пачынаюць успрымаць адказы чат-ботаў як больш надзейную крыніцу, чым меркаванне супрацоўнікаў, кліентаў і рэальныя дадзеныя бізнесу.
Релоцировались? Теперь вы можете комментировать без верификации аккаунта.