OpenAI адкрыла прыём заявак на прасунутую версію ChatGPT

Пакуль ідэі манетызацыі на раннім этапе прапрацоўкі. На старонцы афармлення заяўкі распрацоўшчыкі прапаноўваюць карыстальнікам пазначыць, якая цана, на іх погляд, была б занадта нізкай для даверу да боту, якая — занадта высокай, і якая здаецца ім аптымальнай. Магчымасць заробку на ChatGPT дапаможа забяспечыць «жыццяздольнасць» прадукту ў доўгатэрміновай перспектыве.

Chatgpt Professional адрозніваецца ад бясплатнай версіі тым, што яна «заўсёды даступная», генеруе адказы хутчэй і дазваляе здзяйсняць мінімум удвая больш запытаў на дзень. Таксама кампанія гатовая гутарыць з карыстальнікамі прасунутай версіі ChatGPT і напрамую збіраць фідбэк.

OpenAI папярэджвае, што Chatgpt Professional — эксперыментальная ідэя і ўмовы могуць мяняцца. Усеагульным доступ да платнай версіі таксама пакуль не будзе.

Мадэль умее пісаць код, выпраўляць багі, складаць суправаджальныя лісты, вершы, музыку, падкаты да дзяўчат і розны іншы кантэнт. Бот ужо напалохаў Google, а Microsoft хоча ўкараніць яго ў свой пашукавік, каб адбіць у яе карыстальнікаў. Паводле інфармацыі сеткавых крыніц, рэдмандская кампанія плануе ўкласці ў OpenAI каля $10 млрд. Хаця мінулага месяца сузаснавальнік і гендырэктар OpenAI Сэм Альтман крытыкаваў якасць ChatGPT і казаў, што над ёй трэба будзе яшчэ нямала папрацаваць.