OpenAI паказала GPT-4 з падтрымкай малюнкаў
OpenAI анансавала палепшаную версію сваёй моўнай мадэлі-GPT-4. Паводле слоў распрацоўшчыкаў, яна крэатыўнейшая і стала ўтрымліваць менш перадузятасцей.
Раней у аснове чатбота ChatGPT ляжала Версія GPT-3.5. Галоўным адрозненнем новай нейрасеткі стала «мультымадальнасць» — яна прымае на ўваход не толькі тэкст, але і малюнкі. Таксама яна здольная генераваць у 8 разоў больш тэксту, чым яе папярэдніца.
Апрабаваць магутнейшую мадэль праз чатбота і API цяпер змогуць уладальнікі падпіскі ChatGPT Plus — пакуль гаворка вядзецца пра тэкставы ўвод. Ахвотныя могуць пакінуць заяўку ў лісце чакання. Магчымасць падаваць на ўваход карцінкі для шырокай публікі пакуль не даступная.
OpenAI адзначае, што адрозненні паміж GPT-4 і GPT-3.5 выяўляюцца на запытах вышэйшай складанасці: новая версія дае надзейнейшыя і крэатыўнейшыя адказы і дае рады больш спецыфічным інструкцыям.
Верагоднасць адказу GPT-4 на запыт забароненага кантэнту зніжаная на 82% у параўнанні з GPT-3.5, а факталагічнасць павысілі на 40%. Зрэшты, GPT-4 усё яшчэ не ідэальная і схільная да «галюцынацый», то-бок можа выдаваць неісныя факты за рэчаіснасць і дапускаць лагічныя памылкі.
Microsoft паспяшалася паведаміць, што яе чатбот Bing працуе на аснове менавіта GPT-4, кастамізаванай пад пошукавыя задачы.
Читать на dev.by