Ад моцных перапрацовак гіне амаль 750 тысяч чалавек на год
Каля 7% смерцяў на год звязаныя з працай: штогод з гэтых прычын памірае амаль 3 млн чалавек, мінімум на 5% больш у параўнанні з 2015 годам. Гэта вынікае з нядаўняга даклада Міжнароднай арганізацыі працы.
Так, 2,6 млн смерцяў былі выкліканыя хваробамі, справакаванымі працоўнай дзейнасцю, напрыклад, сардэчна-сасудзістымі захворваннямі, ракам, рэспіраторнымі захворваннямі. Яшчэ 330 тысяч смерцяў пацягнулі вытворчыя траўмы.
Адным з найбуйнейшых фатальных фактараў сталі перапрацоўкі. Занадта доўгі працоўны тыдзень — ад 55 гадзін — забіў амаль 745 тысяч чалавек.
У цэлым колькасць смерцяў, звязаных з працай, ад 2000 года да 2019-га павялічылася на 12%. Зрэшты, колькасць працоўных за гэты перыяд расла хутчэй — на 26%.
Поўная версія даклада даступная па спасылцы.
Читать на dev.by