Пентагон заявіў, што выкарыстоўвае АІ для распрацоўкі «ланцуга знішчэння»

Міністэрства абароны ЗША актыўна ўкараняе штучны інтэлект для паскарэння працэсу стварэння «ланцуга знішчэння», што выклікае дэбаты пра дапушчальнасць прымянення АІ у ваенных мэтах.

2 каментарыя

Паводле слоў галоўнай лічбавай дырэктаркі і дырэктаркі па АІ ведамства Радхі Пламб, АІ дапамагае паскорыць працэс прыняцця рашэнняў камандзірамі, дазваляючы ім «рэагаваць у патрэбны час для абароны нашых сіл». «Ланцуг знішчэння» — складаная сістэма датчыкаў, платформаў і ўзбраенняў, якая выкарыстоўваецца для ідэнтыфікацыі, адсочвання і ліквідацыі пагроз.

Летась кампаніі OpenAI, Anthropic і Meta змянілі свае палітыкі, дазволіўшы разведвальным і абаронным ведамствам ЗША выкарыстоўваць свае сістэмы АІ. Змена палітык прывяла да актыўнага супрацоўніцтва кампаній з абароннымі падрадчыкамі. У прыватнасці, Meta супрацоўнічае з Lockheed Martin і Booz Allen, Anthropic з Palantir, а OpenAI з Anduril.

Аднак кампаніі па-ранейшаму не дазваляюць выкарыстоўваць АІ, каб нанесці шкоду людзям. «Мы дакладна вызначылі, для чаго мы будзем і не будзем выкарыстоўваць іх тэхналогіі», — заявіла Пламб. Пентагон адмаўляе выкарыстанне цалкам аўтаномных узбраенняў, дзе АІ прымае рашэнні без удзелу чалавека. Паводле слоў Пламб, «мы заўсёды будзем прыцягваць людзей да прыняцця рашэнняў аб прымяненні сілы, уключаючы нашыя сістэмы ўзбраення».

OpenAI распрацавала АІ-мадэль для павелічэння працягласці жыцця
Па тэме
OpenAI распрацавала АІ-мадэль для павелічэння працягласці жыцця
АІ зніжае крытычнае мысленне ў моладзі
Па тэме
АІ зніжае крытычнае мысленне ў моладзі
Apple адключыла навіновыя АІ-апавяшчэнні пасля скаргаў карыстальнікаў
Па тэме
Apple адключыла навіновыя АІ-апавяшчэнні пасля скаргаў карыстальнікаў

Читать на dev.by