Рэкрутар з ЗША давяла на ўласным досведзе: каб атрымаць дзясяткі інтэрв’ю і прапанову аб працы, неабавязкова падганяць рэзюмэ пад аўтаматычныя сістэмы адбору і запаўняць яго ключавымі словамі.
Рэкрутар з ЗША давяла на ўласным досведзе: каб атрымаць дзясяткі інтэрв’ю і прапанову аб працы, неабавязкова падганяць рэзюмэ пад аўтаматычныя сістэмы адбору і запаўняць яго ключавымі словамі.
Джэйлін Джонс распавяла ў інтэрв’ю Business Insider, што, працуючы ў JP Morgan з 2021 па 2024 год, яна рэгулярна карысталася адной з папулярных аўтаматычных сістэм ATS — Greenhouse. Па яе словах, сістэма не адсейвала рэзюмэ па ключавых словах ці фармаце: усе анкеты траплялі да рэкрутара на разгляд. Фільтрацыя адбывалася толькі па базавых крытэрыях, напрыклад, па ўзросце ці праве на працу ў ЗША.
Ствараючы сваё рэзюмэ, Джэйлін сканцэнтравалася на канкрэтных прыкладах досведу, якія адпавядалі кожнаму радку вакансіі, а не на наборы модных фраз. Такі падыход аказаўся эфектыўным: ёй прапанавалі працу рэкрутара ў тэхналагічнай кампаніі.
Для эксперымента яна загрузіла сваё рэзюмэ ў сэрвіс Jobscan, які ацэньвае «шанцы прайсці фільтрацыю». Сістэма прысудзіла ёй усяго 16%, паказаўшы, што ў тэксце мала патрэбных слоў і ёсць не тыя фармулёўкі. Аднак, на думку Джэйлін, гэтыя рэкамендацыі не заўсёды дапамагаюць — куды важней даць рэальныя прыклады дасягненняў, а не паўтараць слова «recruiting» дзесяць разоў.
У выніку яна прайшла больш за 12 сумоўяў і атрымала офер на працягу трох месяцаў, выкарыстоўваючы рэзюмэ, якое спецыялізаваныя анлайн-сэрвісы ацанілі як «правальнае».
Джонс раіць тым, хто шукае працу, не захапляцца шаблонамі і не давяраць бяздумна падказкам ШІ і сэрвісаў, якія механічна ўбудоўваюць ключавыя словы. Лепш прасіць ШІ ацаніць, якіх навыкаў і досведу не хапае, чым проста «запоўніць рэзюмэ тэгамі». Такі падыход дапамагае паказаць рэальную каштоўнасць для працадаўцы і падвысіць шанцы на паспяховае сумоўе.
Рэлацыраваліся? Цяпер вы можаце каментаваць без верыфікацыі акаўнта.