Рэкрутарка атрымала адмовы ад Google і Meta, але ў выніку трапіла ў абедзве. Вось яе тры парады
Рэкрутар Брэна Ласкі восем гадоў працавала у тэхнагігантах — Salesforce, Google і Meta. За гэты час яна ўбачыла працэс найму з абодвух бакоў: спачатку як кандыдат, а потым як чалавек, які сам праводзіць сумоўі і дапамагае менеджарам выбіраць супрацоўнікаў. Сёння Ласкі займаецца кар’ерным коўчынгам і рыхтуе аплікацыю для саіскальнікаў, якая дазволіць атрымаць погляд рэкрутара на рэзюмэ і вакансію яшчэ да водгуку.
Рэкрутар Брэна Ласкі восем гадоў працавала у тэхнагігантах — Salesforce, Google і Meta. За гэты час яна ўбачыла працэс найму з абодвух бакоў: спачатку як кандыдат, а потым як чалавек, які сам праводзіць сумоўі і дапамагае менеджарам выбіраць супрацоўнікаў. Сёння Ласкі займаецца кар’ерным коўчынгам і рыхтуе аплікацыю для саіскальнікаў, якая дазволіць атрымаць погляд рэкрутара на рэзюмэ і вакансію яшчэ да водгуку.
Яе ўласны шлях у бігтэху пачаўся з няўдач. Ласкі ўпершыню пастукалася ў Google у лістападзе 2015 года — прайшла некалькі этапаў сумоўяў, але ў снежні атрымала адмову. Прыкладна праз тры месяцы яна ўбачыла вакансію ў іншай камандзе і зноў падала заяўку — на тую ж пасаду, але да іншага менеджара. Усё склалася інакш: ужо ў тым жа месяцы яна пачала працаваць у Google. Паводле словаў Ласкі, вынік аказаўся зусім іншым, хаця кампанія і пасада былі тыя ж — змяніўся толькі кіраўнік, які прымаў рашэнне аб найме.
Падобная гісторыя адбылася з Meta. У 2017 годзе яна прайшла сумоўі, але кампанія выбрала іншага кандыдата. Аднак у працэсе ў яе склаліся добрыя адносіны з рэкрутарам. Ласкі адправіла ліст з падзякай за інтэрв’ю і напісала, што хацела б заставацца на сувязі і будзе рада, калі пра яе ўспомняць, калі з’явіцца прыдатная вакансія. Прыкладна праз месяц на той жа камандзе адкрылася новая пазіцыя, рэкрутар сама звязалася з ёй. Праз некалькі месяцаў Ласкі выйшла на працу.
Па яе словах, гэтыя дзве гісторыі дапамаглі ёй зразумець некалькі важных рэчаў аб пошуку працы. Па-першае, пасля інтэрв’ю варта паспрабаваць атрымаць зваротную сувязь. Часам яе даюць наўпрост, часам прыходзіцца рабіць высновы па пытаннях і абмеркаваннях на сумоўі. У любым выпадку важна зразумець, якіх навыкаў або прыкладаў ад вас чакалі. Гэта дапамагае падрыхтавацца лепш і наступны раз прыйсці ўжо больш моцным. Паводле словаў Ласкі, часам нават карысна прайсці інтэрв’ю адзін раз проста для таго, каб зразумець, што менавіта шукае кампанія, і ўжо потым скарэктаваць адказы.
Па-другое, важна падтрымліваць добрыя адносіны з рэкрутарамі. Многія кандыдаты здзяйсняюць адну і тую ж памылку: атрымаўшы канчатковую адмову, яны проста знікаюць. Тым часам рэкрутар можа стаць галоўным саюзнікам у будучыні. Ласкі раіць хаця б падзякаваць за інтэрв’ю і даць зразумець, што вы адкрыты да новых магчымасцяў. Пры гэтым не варта пісаць занадта часта: рэкрутары працуюць з дзясяткамі вакансій і сотнямі кандыдатаў. Лепш выходзіць на сувязь, калі з’яўляецца прыдатная пазіцыя.
Галоўная ж выснова Ласкі — адмова зусім не азначае зачыненыя дзверы. Нярэдка гэта азначае толькі тое, што кандыдат не падышоў канкрэтнай камандзе ў канкрэтны момант. У буйных кампаніях адна і тая ж пасада можа існаваць адразу ў дзясятках каманд — з рознымі менеджарамі, культурай і задачамі. Чалавек, які сёння адхіляе вашу кандыдатуру, можа працаваць у той жа кампаніі, што і менеджар, які праз некалькі месяцаў з радасцю вас наймае.
Рэлацыраваліся? Цяпер вы можаце каментаваць без верыфікацыі акаўнта.