Са студзеня пачне працаваць цэнтралізаваная інфасістэма аховы здароўя

Сістэма аб’яднае ўсе арганізацыі аховы здароўя ў адзіную інфраструктуру, якая дазволіць ім абменьвацца інфармацыяй. Яна будзе прадастаўляць паслугі для грамадзян, дзяржорганаў і арганізацый.

Да канца лістапада сістэма знаходзіцца ў доследнай эксплуатацыі. У яе ходзе «будзе вырашаны шэраг задач і зроблены самы галоўны вывад: гатова ці не сістэма для ўводу ў прамысловую эксплуатацыю са студзеня», адзначыў Сідарэнка.

У сістэме будзе 10 падсістэм. Самая важная — падсістэма інтэграванай электроннай медыцынскай карты пацыента. Яна будзе фарміраваць адзіную гісторыю хваробы кожнага грамадзяніна — зараз у чалавека можа быць некалькі медкарт у розных арганізацыях аховы здароўя, куды ён калі-небудзь звяртаўся.

Іншы важны кампанент сістэмы — асабісты электронны кабінет пацыента. Праз яго чалавек зможа ўзаемадзейнічаць з медарганізацыямі: запісацца на прыём да ўрача, праглядзець вынікі аналізаў, выпісаныя электронныя рэцэпты і не толькі. «Мы будзем улічваць пажаданні нашых грамадзян па далейшым развіцці і адкрыцці тых ці іншых сэрвісаў», — паабяцаў Сідарэнка.

Таксама ідзе праца над сістэмай, якая аб’яднае ўсе вынікі лабараторных даследаванняў грамадзян. Маецца на ўвазе ўлік аналізаў незалежна ад месца іх здачы — у прыватным ці дзяржсектары. Акрамя гэтага, ствараецца адзіны архіў медыцынскіх выяў — КТ, МРТ-здымкаў і іншых вынікаў дыягнастычных даследаванняў на лічбавым абсталяванні. А яшчэ ствараецца падсістэма кіравання чэргамі пацыентаў на розныя аперацыі.

У Мінску з’явіўся апарат з ШІ для лячэння раку — адзіны ў СНД

Па тэме

У Мінску з’явіўся апарат з ШІ для лячэння раку — адзіны ў СНД

Беларусам будуць лячыць зубы з дапамогай ШІ

Па тэме

Беларусам будуць лячыць зубы з дапамогай ШІ