Да $70 млн на год. Колькі зарабляюць у Польшчы ІТ-кампаніі з беларускімі каранямі

• Выручка — $20+ млн
• Чысты прыбытак — $2,4 млн

Першы аднарог з беларускімі каранямі адкрыў польскі офіс яшчэ летам 2021 года. Мяркуючы са справаздачнасці, польскі офіс кампаніі ўзначальвае экс-дырэктар мінскага офіса (быў ліквідаваны зімой 2022 года) Зміцер Рабцэвіч. У лінкедзіне больш за 200 супрацоўнікаў PandaDoc пазначылі Польшчу ў якасці актуальнай лакацыі. 

Паводле справаздачы, польскі офіс атрымаў за мінулы год 83,7 мільёна злотых даходу ад продажаў (больш за 20 млн долараў). У параўнанні з 2022 годам даход кампаніі вырас на 26%. Чысты прыбытак кампаніі пры гэтым вырас удвая — з 4,3 да 9,5 мільёна злотых (з 1,1 да 2,4 млн долараў). 

• Выручка — $70 млн
• Чысты прыбытак — $5 млн 

За 2021–2023 гады Godel адкрыла ў Польшчы 5 офісаў — у Лодзі, Гданьску, Беластоку, Уроцлаве, Варшаве. Цяпер тут працуе асноўная каманда — больш за 1,2 тысячы спецыялістаў, або больш за 60% ад усяго глабальнага штату.

За мінулы год даход кампаніі ад продажаў склаў амаль 277 мільёна злотых (амаль 70 млн долараў). Адносна 2022 года даходы выраслі на 74%. Чысты прыбытак кампаніі пры гэтым вырас амаль удвая — з 10,8 да 20 мільёнаў злотых (з 2,7 да 5 млн долараў).

• Выручка — $29 млн
• Чысты прыбытак — $0,3 млн

Кампанія ў Польшчы была зарэгістраваная ў кастрычніку 2021 года. Пры канцы мінулага года ў Польшчы працавала другая па памеры каманда Coherent Solutions — каля 640 чалавек. Офісы кампаніі адкрытыя ў трох гарадах — Варшаве, Уроцлаве і Кракаве.

За мінулы год выручка кампаніі ад продажаў вырасла амаль у два разы адносна 2022 года — з 63,7 да 117 мільёнаў злотых (да 29 млн долараў). Чысты прыбытак кампаніі павялічыўся ў 3 разы — з 0,4 да 1,2 мільёна злотых (з 0,1 да 0,3 млн долараў).

• Выручка — $3 млн
• Чысты прыбытак — $0,1 млн

У лістападзе 2021 года стала вядома, што вядомы аграстартап з беларускімі каранямі адкрыў dog friendly офіс у Варшаве. На той момант у офісе працавала 15 чалавек. Дакладная колькасць каманды на бягучы момант невядомая. У лінкедзіне 20 супрацоўнікаў пазначылі Польшчу ў якасці актуальнай лакацыі. 

За мінулы год кампанія атрымала 12,1 мільёна злотых даходу ад продажаў (3+ млн долараў). Але ў параўнанні з 2022 годам Даход упаў амаль на 26%. Чысты прыбытак кампаніі амаль не змяніўся і склаў 0,5 мільёна злотых (0,1 млн долараў). 

• Выручка — $50 млн
• Чысты прыбытак — $0,3 млн 

Юрыдычную асобу ў Польшчы кампанія зарэгістравала яшчэ ўвосень 2020 года. 

Цяпер у кампаніі ёсць офісы ў 5 гарадах — Варшаве, Уроцлаве, Гданьску, Лодзі і Кракаве. У лінкедзіне 500+ супрацоўнікаў пазначылі ў якасці актуальнай лакацыі Польшчу. 

У Vention у Польшчы, мяркуючы са справаздачнасці, фінансавае становішча палепшылася за мінулы год. Калі ў 2022 годзе кампанія атрымала чыстыя страты ў памеры 12,6 мільёна злотых (больш за 2,5 млн долараў), то па выніках 2023 года кампанія зарабіла чысты прыбытак у памеры 1 мільёна злотых (каля 0,3 млн долараў). Даход кампаніі ад продажаў вырас амаль у 2,5 разы да 204 мільёнаў злотых (больш за 50 млн долараў).

• Выручка — $6,4+ млн
• Чысты прыбытак — $0,2 млн

Польская юрыдычная асоба самага папулярнага паблішара з беларускімі каранямі (4+ млрд загрузак) была зарэгістраваная вясной 2021 года. 

За мінулы год кампанія атрымала даход у памеры 25,6 мільёна злотых (6,4 млн долараў). У параўнанні з 2022 годам даход вырас больш чым удвая. Чысты прыбытак геймдэў-кампаніі за мінулы год склаў 0,8 мільёна злотых (0,2 млн долараў), як і ў 2022 годзе. 

• Выручка — $4 млн
• Чысты прыбытак — $0,2 млн 

Юрыдычная асоба яшчэ аднаго буйнога мабільнага распрацоўшчыка была зарэгістраваная ў Польшчы ў студзені 2022 года (на пачатку 2024 года стала вядома пра ліквідацыю мінскага офіса). 

За мінулы год даход кампаніі вырас на 71% і склаў 16 мільёнаў злотых (4 млн долараў). Чысты прыбытак геймдэў-кампаніі за мінулы год склаў мільён злотых (0,25 млн долараў).

• Выручка — $38+ млн
• Чысты прыбытак — $0,7 млн 

Юрыдычную асобу ў Польшчы аўтсорсер зарэгістраваў восенню 2021 года. На дадзены момант у Польшчы ў кампаніі адкрыта два офісы — у Варшаве і Гданьску. 

Цяпер у кампаніі ва ўсіх лакацыях, мяркуючы з даных сайта, працуе больш за 1600 супрацоўнікаў. Пры гэтым супрацоўнікі Innowise сцвярджаюць, што большасць спецыялістаў працягвае працаваць у Беларусі (у Мінску і абласных цэнтрах): да 1100-1300 чалавек, або каля 70-80% усяго штату. 

У лінкедзіне больш за 800 супрацоўнікаў Innowise пазначылі ў якасці актуальнай лакацыі Польшчу, але фактычна там працуе значна менш людзей, сцвярджаюць супрацоўнікі. 

За мінулы год польская юрыдычная асоба амаль удвая павялічыла даход ад продажаў, які перавысіў 155 мільёнаў злотых (больш за 38 млн долараў). Чысты прыбытак вырас у 9 разоў да 2,7 мільёна злотых (0,7 млн долараў).

• Прыбытак ад аперацыйнай дзейнасці — $0,9 млн
• Страты — $0,1 млн 

Юрыдычная асоба кампаніі ў Польшчы была зарэгістраваная ў лютым 2022 года.

За мінулы год даход кампаніі ад асноўнай дзейнасці склаў 3,7 мільёна злотых (0,9 млн долараў). Пры гэтым кампанія зафіксавала за мінулы год страты сумай 0,3 мільёна злотых (амаль 0,1 млн долараў).

• Выручка — $5 млн
• Чысты прыбытак — $0,3 млн 

Кампанія зарэгістравала юрыдычную асобу ў Польшчы (ва Уроцлаве) у лютым 2022 года.

За мінулы год даход кампаніі вырас у 4 разы і перавысіў 20 мільёнаў злотых (5 млн долараў). Чысты прыбытак вырас не так значна: з 1,2 да 1,3 мільёна злотых (0,3 млн долараў).