Цік Кук растлумачыў, ці могуць сабе дазволіць Vision Pro звычайныя карыстальнікі
Кіраўнік кампаніі ў інтэрв’ю праграме Good Morning America адказаў на пытанне, ці па кішэні навінка Apple сярэднестатыстычнаму карыстальніку.
«Я не ведаю. Я думаю, людзі будуць рабіць розны выбар у залежнасці ад свайго фінансавага становішча і гэтак далей. Інжынерныя распрацоўкі і глыбіня інжынерных рашэнняў у ім проста дзівяць. Вы атрымліваеце больш, ніж 4K у кожным воку. Вядома, гэта не бясплатна. Гэта каштуе пэўных грошай, але я лічу, што яно таго вартае», — заявіў Цім Кук.
Раней Apple паказала акуляры дапоўненай рэальнасці Vision Pro. Яны каштуюць $3499. Паводле слоў Кука, гэты прадукт азначае паваротны момант для кампаніі. «Мы пачалі працаваць над дапоўненай рэальнасцю даволі даўно, бо бачылі ў ёй вялікую ідэю, глыбокую тэхналогію. Гэта наступны раздзел у гэтым кірунку, і гэта велізарны скачок», — дадаў ён.
Читать на dev.by