Tinkoff адкрывае яшчэ адзін офіс у Беларусі — у Брэсце. І набірае людзей

Офіс знаходзіцца ў бізнэс-цэнтры STATUS на пр. Рэспублік і½, каманда Tinkoff зойме цэлы паверх. Плануецца, што ў новым офісе будуць праводзіцца мітапы і іншыя мерапрыемствы для айцішнікаў. 

kv.by удакладніў, над чым працуе брэсцкае падраздзяленне:

• над фінансавымі сэрвісамі і тэлефонным асістэнтам;
• укараняе машыннае навучанне ў прадукты і ўнутраныя працэсы кампаніі;
• развівае ўласныя распрацоўкі — Tinkoff Origination Platform ды іншыя.

​​Tinkoff адкрыў у Мінску офіс 2 гады таму — летам 2021 года ў лінкедзіне з’явілася аб’ява аб наборы распрацоўшчыкаў, аналітыкаў і QA. У снежні таго ж года R&D-цэнтр увайшоў у ПВТ.

Віцэ-прэзідэнт Tinkoff Вячаслаў Цыганаў ад самага пачатку ставіў план для Мінска ў «некалькі сотняў» спецыялістаў. Некаторым ягоная заява здавалася вельмі амбіцыйнай: яны згадвалі кейс «Сбербанка», які, адкрыўшы ў 2011 годзе ў Мінску офіс распрацоўкі, праз 6 гадоў ціха яго ліквідаваў. Аднак пасля пачатку поўнамаштабнага ўварвання Расіі ва Украіну ў лютым 2022 года абставіны змяніліся. Месяц таму HR BP кампаніі Валерыя Кухарава пахвалілася тым, што мінскі офіс распрацоўкі за 2 гады вырас да 400+ чалавек. 

Мясцовы рынак змяніла поўнамаштабнае ўварванне Расіі ва Украіну. Нашыя апытанні паказваюць, што амаль чвэрць ІТ-спецыялістаў, якія цяпер застаюцца ў Беларусі, разглядаюць расійскія праекты як альтэрнатыву заходнім.

dev.by, як і іншым сумленным медыя, сёння вельмі складана: рэдакцыя працуе па-за межамі краіны, а нашыя рэкламныя даходы скараціліся ў некалькі разоў. Але мы даем рады — з вашай дапамогай. Гэта вы дзеліцеся з намі інфанагодамі, думкамі, досведам, часам, увагай і данатамі.

Праз Patreon. 

З Беларусі — праз Donorbox.

І яшчэ крыптой, тут кашалькі.

Дзякуй, што прачыталі гэтае паведамленне.