Алеся Чапкевич bel 3 красавіка 2026, 10:34

Расейцы купілі 10% кватэр, прададзеных у Мінску за сакавік

Паводле дадзеных Мінскага гарадскога агенцтва па дзяржаўнай рэгістрацыі і зямельнаму кадастру, у сакавіку кожную дзясятую кватэру ў Мінску набылі людзі з расійскім пашпартам.

3 каментарыя

Паводле дадзеных Мінскага гарадскога агенцтва па дзяржаўнай рэгістрацыі і зямельнаму кадастру, у сакавіку кожную дзясятую кватэру ў Мінску набылі людзі з расійскім пашпартам.

За мінулы месяц на іх паводле дамоваў куплі-продажу было зарэгістравана 126 аб’ектаў нерухомасці. Як адзначаюць эксперты, усяго ў базе Нацыянальнага кадастравага агенцтва налічваецца 1284 здзелкі за сакавік з кватэрамі, пакоямі і долямі ў Мінску.

«Роўнасць правоў, Саюзная дзяржава, адмена дазвольнага парадку найму на працу — усё гэта стварае ўмовы для свабоднага перамяшчэння і выбару месца жыхарства», — адзначае Мінскае агенцтва па дзяржрэгістрацыі.

Там дадалі, што грамадзяне суседняй краіны маюць права набываць нерухомасць у Беларусі, прычым без абмежаванняў па тыпе: кватэра, дом ці офіс. І ветліва падрыхтавалі гайд для расіян па куплі кватэраў у Мінску.

Па статыстыцы realt.by, цэны на нерухомасць у беларускай сталіцы ў апошнія месяцы б’юць рэкорды.