У 40% супрацоўнікаў на 4-дзёнцы палепшыўся сон: даследаванне
Ад мінулага чэрвеня да снежня ў Вялікабрытаніі праходзіла маштабнае даследаванне 4-дзённага працоўнага тыдня. 40% з прыкладна 2900 удзельнікаў паведамілі, што сталі менш пакутаваць ад праблем са сном або бессані. Эксперымент быў арганізаваны некамерцыйнай супольнасцю 4 Day Week Global пры падтрымцы Бостанскага каледжа і Кембрыджскага ўніверсітэта.
45% апытаных не заўважылі ніякіх змен, а 15% сталі спаць горш. 46% падыспытных супрацоўнікаў сталі менш стамляцца, 14% — наадварот, больш. 39% сталі менш стрэсаваць, а 71% пры канцы эксперыменту менш адчуваў выгаранне.
У праекце брала ўдзел 61 кампанія. Людзі працавалі 32 гадзіны на тыдзень замест 40 гадзін без зніжэння заробку.
Выручка кампаній за час эксперыменту ў сярэднім павялічылася на 1,4%. 56 кампаній (92%) збіраюцца пакінуць 4-дзёнку па яго заканчэнні, 18 кампаній укараняць яе назусім.
Таксама ў перыяд эксперыменту знізілася колькасць супрацоўнікаў, якія хацелі звольніцца. Колькасць тых, што звольніліся, знізілася на 57%. 15% рэспандэнтаў заявілі, што «ні за якія грошы» не стануць працаваць 5 дзён замест 4.
Читать на dev.by