У Аўстраліі ўзаконілі «права на адключэнне» — можна спакойна ігнараваць боса ў непрацоўны час

Вакол новых працоўных нормаў разгарэліся гарачыя дэбаты. Крытыкі называюць іх неабдуманымі і адзначаюць, што яны былі прынятыя без належнага абмеркавання, кансультацый і праверкі на практыцы, якая дазволіла б ацаніць патэнцыйныя наступствы. Таксама праціўнікі навін лічаць, што яны абмяжуюць кампаніям прастор для дзеянняў у надзвычайных сітуацыях. У апазіцыі ўжо заявілі, што ў выпадку перамогі на наступных выбарах будуць спрабаваць скасаваць закон. Працадаўцы сцвярджаюць, што новы закон ставіць крыж на гнуткім графіку працы, дзякуючы якому супрацоўнікі могуць адлучацца па справах, напрыклад, каб забраць дзяцей з саду або схадзіць да доктара.

Але ў Аўстралійскай радзе прафсаюзаў кажуць, што такая рыторыка — толькі тыповая спроба запалохаць грамадства. А палітыкі атрымліваюць шмат станоўчай зваротнай сувязі з нагоды новага права для супрацоўнікаў: «Зашмат людзей занадта доўга мірылася з уварваннем у сваё сямейнае і хатняе жыццё. Гэта практычнае і разумнае права, якое дасць людзям права на адключэнне пасля заканчэння працоўнага дня», — адзначаюць яны.