Беларусь вельмі хоча праводзіць мерапрыемствы па прасоўванні рускай мовы. Прынамсі так сказаў міністр адукацыі Беларусі Андрэй Іванец у Маскве на першай канферэнцыі Міжнароднай арганізацыі па рускай мове.
Беларусь вельмі хоча праводзіць мерапрыемствы па прасоўванні рускай мовы. Прынамсі так сказаў міністр адукацыі Беларусі Андрэй Іванец у Маскве на першай канферэнцыі Міжнароднай арганізацыі па рускай мове.
«Рэспубліка Беларусь у асобе Міністэрства адукацыі і іншых міністэрстваў цалкам гатова не толькі падтрымліваць і ўдзельнічаць ва ўсіх ініцыятывах, якія будуць вылучацца на палях Міжнароднай арганізацыі па рускай мове, але і ўносіць свае ініцыятывы. Нам ёсць чым падзяліцца, ёсць што прапанаваць, таму вельмі хацелася б, каб і Рэспубліка Беларусь стала пляцоўкай для правядзення знакавых, важных мерапрыемстваў, якія будуць накіраваны на папулярызацыю і пашырэнне выкарыстання рускай мовы», — цытуе чыноўніка БелТА.
Ён дадаў, што Аляксандр Лукашэнка не раз называў рускую мову для Беларусі «гэтак жа роднай, як і беларуская». Маўляў, менавіта таму руская з’яўляецца адной з дзяржаўных моў у нашай краіне.
Міністр запэўніў, што Беларусь будзе самым актыўным удзельнікам арганізацыі: «Не выклікае ніякага сумнення тое, што руская мова з’яўляецца не толькі асновай нашых зносін, але гэта наш культурны код у многім нашай адзінай агульнай гісторыі культурнай прасторы».
Згаданая арганізацыя была ўтвораная па рашэнні прадстаўнікоў Беларусі, Расіі, Кыргызстана, Таджыкістана і Узбекістана, дагавор быў падпісаны 13 кастрычніка 2023 года ў Бішкеку. Рашэнне аб далучэнні новых удзельнікаў будзе прымаць міністэрская канферэнцыя арганізацыі, якую плануюць склікаць рэгулярна мінімум раз у год. Кіруючы савет будзе збірацца не менш за два разы на год, плюс будуць пазачарговыя сесіі.
На першай канферэнцыі быў прыняты пакет дакументаў для фарміравання сакратарыята і пачатку яго працы. Практычная дзейнасць пачнецца з 1 красавіка. Сакратарыят будзе базавацца ў Сочы (мэр якога скардзіцца на беспрэцэдэнтныя атакі беспілотнікаў), генсекам арганізацыі абралі дырэктара па асаблівых даручэннях «Раснана» Наталлю Бачарову, якая раней была намеснікам міністра навукі і вышэйшай адукацыі ў суседняй краіне.
Ці гатовая Беларусь стаць пляцоўкай для знакавых, важных мерапрыемстваў, якія будуць накіраваны на папулярызацыю і пашырэнне выкарыстання беларускай мовы, Іванец не ўдакладніў.
Рэлацыраваліся? Цяпер вы можаце каментаваць без верыфікацыі акаўнта.
Каб ен яшчэ растлумачыу навошта нам тое трэба...
Популяризации среди кого? В Беларуси и так большинство на нём говорит, а знают так вообще все. Или ожидается, что мы экспансию на запад начнём и приучим поляков к русскому?)
"Упомянутая организация была образована по решению представителей Беларуси, России, Кыргызстана, Таджикистана и Узбекистана, договор был подписан 13 октября 2023 года в Бишкеке. Решение о присоединении новых участников будет принимать министерская конференция организации, которую планируют созывать регулярно минимум раз в год. Управляющий совет будет собираться не менее двух раз в год, плюс будут внеочередные сессии."
Вот где вся соль) Это просто ещё одна развлекуха для больших чиновников: два раза в год собираться будут побухать и вкусно покушать за бюджетные средства, а если сильно приспичит, то будут внеочередные сессии. И все типа делом заняты для боссов своих.
навошта вам на мове, вось жа ёсць усім зразумелы язык! як вы яшчэ не ўцямілі гэтага! супакойцеся ўжо! меладзэ фарэва!