У Беларусі падаражэлі крэдыты на жытло

Беларусбанк

Банк ад 3 снежня падняў стаўку па крэдыце «Іпатэка Экспрэс» ад 16 да 17%. Новыя ўмовы датычацца тых, хто прыцягвае рэсурсы на агульных падставах. Тэрмін крэдыту застаўся нязменным — 20 гадоў.

Для грамадзян, якія стаяць на ўліку маючых патрэбу ў паляпшэнні жыллёвых умоў, стаўка складае 12,5%.

Таксама выраслі стаўкі па крэдыце «Іпатэка з намі» для фінансавання праектаў з партнёрамі банка. Пры ўкладанні дамовы з дзяржаўнымі забудоўшчыкамі стаўка складзе 16% (раней 15%), з камерцыйнымі забудоўшчыкамі — 16, 4% замест 15, 4%. 

Белінвестбанк

Па крэдыце «На нерухомасць» для куплі і будаўніцтва жылля на агульных падставах стаўка вырасла ад 15, 99% да 17, 71% гадавых. Аналагічна змянілася стаўка па крэдыце «Нерухомасць ад партнёра». Тэрмін крэдытавання складае 10 і 20 гадоў. 

МТБанк

Банк таксама перагледзеў умовы крэдытавання фізічных асоб пры закупцы і будаўніцтве жылля, але крыху раней. 

Змены закранулі крэдыты «Счастливы в месте (на гатовае жыллё ад забудоўшчыка)» і «На гатовае жыллё ад забудоўшчыка (партнёрскія прапановы)». Стаўка па некаторых партнёрскіх праектах вырасла да 15,84%.

Раней кіраўнік групы кампаній «Твая сталіца» Уладзімір Давідовіч адзначаў, што крэдытаванне — асноўны драйвер продажаў жылля ў Мінску. Пры гэтым рост ставак па крэдытах з’яўляецца адным з фактараў уплыву на попыт.

У верасні ў тым ліку ў сувязі з падаражэннем крэдытаў на жыллё ў Мінску скарацілася колькасць угод па куплі-продажы кватэр.