Алеся Чапкевич bel 6 сакавіка 2026, 12:47

У рэгіёнах Беларусі «разагналі» сувязь

У некаторых абласцях Беларусі палепшылі хуткасць 4G-сеткі, піша БелТА са спасылкай на Мінсувязі.

Ведамства працягвае развіваць сотавую інфраструктуру. Асаблівая ўвага надаецца будаўніцтву аб’ектаў сувязі і павелічэнню прапускной здольнасці сетак у сельскай мясцовасці.

26 лютага інфраструктурны аператар «Беларускія воблачныя тэхналогіі» пашырыў радыёчастотны канал на 10 МГц у дыяпазоне радыёчастот 800 МГц на 356 базавых станцыях у Віцебскай вобласці. Гэта дазволіла павялічыць сумарны аб’ём радыёчастотнага спектра ў 2 разы. Агульная прапускная здольнасць сеткі LTE ў сельскай мясцовасці павялічылася на 56,8%, а сярэднія хуткасці перадачы дадзеных — прыкладна ў 1,8 раза да 21 Мбіт/с.

Таксама пашырылі радыёчастотны канал на 692 базавых станцыях Магілёўскай і Гомельскай абласцей. Хуткасці мабільнага інтэрнэту 4G сталі вышэй у карыстальнікаў Магілёва, Віцебска, Гомеля, Бабруйска, Жлобіна, Светлагорска, а таксама Турава, Добруша, Хоцімска, Буда-Кашалёва, Бягомля, Нароўлі, Асвеі, Суража, Доўска, Дунілавічаў і іншых невялікіх населеных пунктаў краіны. Да канца 2026 года — пачатку 2027-га такія паляпшэнні правядуць на ўсіх базавых станцыях Мінскай, Брэсцкай і Гродзенскай абласцей.

На працягу студзеня 2026 года ў дыяпазоне радыёчастот 1800 МГц ужо ўключылі дадатковы радыёчастотны спектр на прыкладна 3500 аб’ектах сотавай сувязі па ўсёй краіне.