bel 12 студзеня 2026, 12:38

Варшаўскі ўніверсітэт выпусціў падручнік беларускай мовы

Кафедра беларусістыкі Варшаўскага ўніверсітэта выдала падручнік па беларускай мове «Беларуская мова. Практыкаванні і тэксты для чытання».

1 каментарый

Кафедра беларусістыкі Варшаўскага ўніверсітэта выдала падручнік па беларускай мове «Беларуская мова. Практыкаванні і тэксты для чытання».

Аўтар падручніка — мовазнавец Вольга Трацяк. Ён прызначаны для вывучэння беларускай мовы як замежнай на ўзроўнях A1-B1.

Кніга на 330 старонак змяшчае 150 практыкаванняў і 50 тэкстаў для чытання. Заданні накіраваны на паступовае і сістэмнае развіццё моўных кампетэнцый, уключаючы разуменне пісьмовай мовы, пашырэнне лексічнага запасу і ўдасканаленне граматыкі.

Матэрыялы можна выкарыстоўваць як на занятках з выкладчыкам, так і для самастойнай працы. Да выдання прыкладаюцца ключы з адказамі.

Падручнік каштуе 39 злотых (крыху больш за $10), купіць падручнік можна праз сакратарыят кафедры беларусістыкі: [email protected].