Даляр, які таннее, пацягнуў за сабой зп айцішнікаў — перад сакавіцкім рыўком

Паводле дадзеных Белстата, у лютым сярэдняя зарплата ў ІТ (да выплаты падаткаў) склала 7 288,6 рубля. У параўнанні з лютым 2024 года яна нязначна вырасла — на 1,1%, але адносна студзеня гэтага года знізілася амаль на 3%.

У студзені зарплата айцішнікаў таксама ўпала адносна папярэдняга месяца. Што датычыцца лютаўскай зарплаты, то яна мінімальная за апошнія 4 месяцы.

Адзін з фактараў, які паўплываў на заробкі — гэта таннеючы даляр. За люты амерыканская валюта патаннела адразу на 4,5% да амаль 3,29 рубля за даляр.

Аднак ужо ў сакавіку варта чакаць традыцыйнага рэзкага росту сярэдняй зарплаты ў сувязі з выплатай многімі ІТ-кампаніямі гадавых бонусаў. Гэта адбываецца штогод.

Праўда, у некаторых буйных ІТ-кампаній фінансавая сітуацыя застаецца няпростай. У прыватнасці, EPAM перанёс гадавы перагляд зарплат на лета. Аднак бонусы кіраўніцтва кампаніі абяцала выплаціць без затрымак.

ІТ-група Blockchain Sports Ecosystem некалькі месяцаў затрымлівае зарплаты, а з 25 сакавіка кампанія і зусім сышла ў прастой.

У замежнай валюце сярэдняя зарплата ў ІТ у лютым, наадварот, вырасла ў параўнанні са студзенем.

За мінулы месяц яна склала 2 211 даляраў (брута, па сярэднім курсе Нацбанка). У параўнанні з лютым мінулага года яна скарацілася на 1,1%, але адносна студзеня гэтага года павялічылася амаль на 2,0%.