Топ-10 тавараў, якія айцішнікі просяць прывезці з Беларусі (ідэі для падарункаў!)

На рускай мове.

Нехта таксама піша, што вельмі рады ўпрыгожанням ад беларускіх майстроў і кераміцы. 

Некалькім айцішнікам у Літву і Польшчу родныя вязуць соль (адзін нават удакладніў, якую менавіта — мазырскую).

А ў некага яшчэ цукар, макароны і крупы.

Адзін чалавек яшчэ просіць прывезці салёную мінеральную ваду, напрыклад, «Ессентуки». 

Камусьці прывозяць лекі — антыбіётыкі, супакаяльныя і хлоргексідзін. А яны самі вязуць у Беларусь іншыя лекі, таму што не дастаць праз санкцыі.

Калготкі Conte і шкарпэткі Mark Formelle  — вельмі жаданы падарунак. Таму што «любіменькія», ну і тое, што прадаецца ў краінах, дзе жывуць нашы чытачы (а гэта ў тым ліку ЗША), «усё не тое».

Некаторыя марыць, каб ім прывезлі ніжнюю бялізну, ну і ўвогуле рэчы з бавоўны і лёну, бо у той жа Польшчы — «дорага». 

У анкеце не зарубіліся аматары рагачоўскай і глыбоцкай. Удзельнікі палітычна карэктна апускаюць гэты момант (і толькі адзін настойвае: правільная — з Глыбокага).

Прызнайцеся, вы ж чакалі гэты пункт. Большасць чытачоў піша: «тварожныя», без канкрэтыкі. А нехта ўдакладняе: «З пандай». Ну, а калі вы любіце «з дзяўчынкай», то адзначайцеся ў каментарах.

Некалькі чалавек лічыць лепшым падарункам «пальцам пханую» вясковую каўбасу. А яшчэ сала. І ўвогуле «хатнюю ежу». 

Некаторыя яшчэ хацелі б пельмені ў выглядзе падушачак, тушонку, селядзец і іншую салёную рыбу, чорны хлеб, чыпсы «пласцінкамі». А адзін чалавек вельмі рады каўбасе з плесняй, піша, што ў Грузіі падобныя ёсць, але «не тое». 

Адзін удзельнік удакладніў, што самая правільная — у слоічках па 140 г. «Такой тут у Грузіі няма — яна ідэальная па масляністасці і „кусабельнасці“: не занадта шчыльная і не занадта мяккая». 

Вось новае золата беларусаў.

У некага ў спісе яшчэ пасціла, шакалад, цукеркі (асабліва «Сталічныя» і «Грыльяж»), батончыкі «Смак», бабруйская халва ў шакаладзе і журавіны ў цукры.