Усё больш прадстаўнікоў пакалення Z спрабуюць вярнуць у жыццё звычкі «да смартфонаў» — і ствараюць уласныя версіі хатніх тэлефонаў. Некаторыя літаральна вешаюць свае iPhone на сцяну, іншыя ператвараюць старыя дыскавыя апараты ў Bluetooth-прылады, падключаныя да мабільнага.
Усё больш прадстаўнікоў пакалення Z спрабуюць вярнуць у жыццё звычкі «да смартфонаў» — і ствараюць уласныя версіі хатніх тэлефонаў. Некаторыя літаральна вешаюць свае iPhone на сцяну, іншыя ператвараюць старыя дыскавыя апараты ў Bluetooth-прылады, падключаныя да мабільнага.
24-гадовая журналістка з Нью-Ёрка Тыфані расказала Business Insider, што занадта моцна прывязалася да свайго тэлефона і вырашыла «закаваць» яго ў ланцуг — літаральна. Яна прымацавала смартфон да сцяны і пакідала яго там нават падчас прагулак. «Калі тэлефон не побач, вы перастаеце пра яго думаць», — кажа яна. Ужо праз некалькі дзён яна заўважыла, што стала менш цягнуцца да экрана і пачала больш звяртаць увагу на навакольны свет.
Іншыя пайшлі далей. 31-гадовая супрацоўніца ІТ-кампаніі Мэдзі ДэВіко зрабіла насценнае мацаванне для тэлефона, куды «вешае» яго ў канцы працоўнага дня. Яна распавядае, што пасля гэтага яе экранны час скараціўся на тры гадзіны ў дзень, а трывожнасць прыкметна знізілася. «Я адчула свабоду, нібы вярнулася ў дзяцінства, калі можна было проста пакласці слухаўку», — кажа яна.
Маладыя людзі ўсё часцей шукаюць спосабы дыстанцавацца ад пастаянных апавяшчэнняў, не адмаўляючыся пры гэтым цалкам ад тэхналогій. Даследаванні пацвярджаюць: фізічная дыстанцыя паміж чалавекам і тэлефонам дапамагае сканцэнтравацца і зніжае ўзровень стрэсу. «Калі вы бачыце тэлефон — вы захочаце яго ўзяць. Толькі прыбраўшы яго з поля зроку, можна рэальна адключыцца», — тлумачыць псіхолаг Ялда Улс з Каліфарнійскага ўніверсітэта ў Лос-Анджэлесе.
Цяга да «олдскульных» звычак натхніла і прадпрымальнікаў. Стваральніца адукацыйнага брэнда CatGPT Кэтрын Гётцэ ператварыла стары дыскавы тэлефон у Bluetooth-прыладу, падключаную да мабільнага. Цяпер яе «рэтра-трубка» звоніць пры ўваходным выкліку, а пры наборы зорачкі актывуецца Siri. Пасля віруснага відэа ў сацсетках Гётцэ заснавала стартап Physical Phones, які ўжо сабраў $118 тысяч перадзамоў за першыя трое сутак.
Паводле словаў Гётцэ, людзі не хочуць выкінуць смартфоны — яны хочуць навучыцца карыстацца імі асэнсавана. «Нерэалістычна выкінуць iPhone у раку, — кажа яна. — Але можна вярнуць сабе адчуванне кантролю, не адмаўляючыся ад тэхналогій цалкам».
Релоцировались? Теперь вы можете комментировать без верификации аккаунта.