Списки

Паводле інфармацыі праваабаронцаў, 31 сакавіка ў Мінску пачаўся суд над праграмістам кампаніі Netcracker Русланам Завадзічам. Яго абвінавачваюць паводле крымінальнага артыкула (ч. 2 арт. 361-2 КК — «Фінансаванне экстрэмісцкай дзейнасці») за данаты фонду ў жніўні 2020 года.  Гэта ўжо чацвёрты за месяц вядомы выпадак арышту або суда за данаты ў фонды. На затрыманых заводзяць крымінальныя справы. Невядома, ці звязаныя нейкія з гэтых затрыманняў са «спісамі» з ПВТ і адмовай/згодай пагутарыць з КДБ і зрабіць «пакаянны» данат у дзяржфонды.

Сабралі ў форме пытанняў і адказаў усё, што проста цяпер вядома пра сітуацыю вакол данатаў у фонды. І папрасілі юрыстаў пракаментаваць.

Учора стала вядома, што айцішнікаў, якія данацілі ў фонды, клічуць на гутарку да супрацоўнікаў спецслужбаў — праз кіраўніцтва ІТ-кампаній. Дазналіся падрабязнасцей.

Дзве не звязаныя адная з адной крыніцы ў адной з буйных ІТ-кампаній паведамілі dev.by, што кіраўніцтва праводзіць гутаркі з супрацоўнікамі, якія данацілі ў фонды, у прыватнасці ByPol і BySol. Паводле слоў суразмоўцаў, з адміністрацыі Парка ў кампанію нібыта даслалі спісы такіх супрацоўнікаў.