Адразу два звязаныя з ІТ праекты — Музей рэтра-камп'ютараў і добраўпарадкаванне вадаёма ля ПВТ — атрымалі перамогу ў намінацыі «Лепшы гарадскі праект» на першым рэаліці-конкурсе гарадскіх праектаў #РазамМінск.    

Чытаць далей

Усяго арганізатары атрымалі больш за 300 ідэй, якія прэтэндавалі на ўдзел у конкурсе. Пасля афармлення іх у выглядзе праектаў на платформе Talaka.by і адбору журы ў асноўны этап конкурсу трапілі 23 каманды. 11 з іх завяршылі свае пачынанні ў месячны тэрмін і атрымалі магчымасць пазмагацца за прызавы фонд памерам $2000.

Лёс прыза вызначала кампетэнтнае журы. Меркаванні яго сяброў падзяліліся, таму было вырашана ў намінацыі «Лепшы гарадскі праект» абраць адразу двух пераможцаў: ініцыятыву праграміста Аляксандра Зіхманчука па добраўпарадкаванні вадаёма побач з Паркам высокіх тэхналогій і Музей рэтракамп'ютараў. Абодва праекты атрымалі ў якасці ўзнагароды па $500.

«І чыстая сажалка з качачкамі, і рэтракамп'ютары — гэта важна. У першым выпадку размова ідзе пра мясцовую супольнасць, якая робіць наш горад лепш; у другім — пра ўнікальную для Мінска з'яву. Таму журы вырашыла, што прыз трэба падзяліць», — патлумачыў прадстаўнік журы Іван Ведзенін.

У другой крнкурснай намінацыі — «Выбар мінчукоў» — пераможцам стала каманда праекта «Чыстая справа» — яны арганізавалі ў мінскіх школах экалагічныя заняткі і ўсталявалі 60 скрыняў для паасобнага збору смецця.

Арганізатарамі конкурсу выступілі грамадская некамерцыйная платформа Talaka.by, кампанія velcom і інтэрнэт-партал Onliner.by.

Таксама чытайце: Пять технологических проектов, которые сделают Минск лучше

Новый рекламный формат в наших телеграм-каналах.

Купить 500 символов за $150