Дапамажы дадаць беларускую раскладку ў iOS

Падумаць толькі – ужо пятая версія iOS, а беларускай раскладкі гэтак і не з'явілася. А то быў адзін з галоўных дадаткаў, якога я чакаў найбольш ад новае версіі. Прычым чакаў абсалютна заслужана. Дзела было так. 16 студзеня сёлета я дадаў "тыкет" на http://bugreport.apple.com. На што 18 студзеня прыйшоў адказ, што падобная просьба ўжо ўзнікала, і яна разглядаецца. Я ўсцешыўся, што я не адзін такі – і сеў чакаць BE раскладачкі. І пакуль не дачакаўся! :( Мне падказалі, што трэба актыўней штурхаць Эпл. Я згадзіўся і стварыў новы запіс на сайце Open Radar: http://openradar.appspot.com/radar?id=1213401. Open Radar – гэта такі сайт, куды скідаюць загатоўкі для тыкетаў, каб кожны грамадовец мог справядліва папінаць Эпл. Такім чынам, усе, хто жадае бачыць беларускую раскладку ў iOS, можа памагчы. Гэта зусім проста. Трэба пад сваім Apple ID увайсці на http://bugreport.apple.com і там стварыць новы тыкет, куды ўбіць інфу з http://openradar.appspot.com/radar?id=1213401. Спадзяюся, што чым больш такіх дублікатаў назбіраецца, тым хутчэй мы пабачым Ў на экране Айфона! RT please