Кампанія Google аб′явіла пра запуск «YouTube Беларусь» — лакалізаванай версіі папулярнай вiдэаплатформы, якая дазволіць беларускім інтэрнэт-карыстальнікам камунікаваць, ствараць відэа і дзяліцца ім на дамене youtube.by.
Лакальная версія будзе прадстаўляць самыя папулярныя беларускiя відэаролiкi і адкрые новыя магчымасці для таленавітых стваральнікаў відэакантэнту, блогераў, тэлекампаній, рэкламадаўцаў і брэндаў з Беларусі, гаворыцца ў прэс-рэлізе.
Паводле даследчай кампаніі TNS, ахоп YouTube у Беларусі складае 64% інтэрнэт-карыстальнікаў ва ўзросце 18+ гадоў. Кожны трэці глядзіць анлайн-відэа гэтак жа часта, як і тэлебачанне, а 27% заходзяць на платформу штодзень.
Беларускі карыстальнік YouTube аддае перавагу такім катэгорыям кантэнту, як музыка, камедыйныя шоу, дзіцячы кантэнт, аматарскае відэа, навучальныя відэаінструкцыі. Асноўныя матывы праглядаў — магчымасць даведацца пра нешта новае, знайсці інфармацыю і прыемна бавіць вольны час.
Кожны беларус, якi стварае арыгiнальны кантэнт, зможа стаць удзельнiкам партнёрскай праграмы i актываваць манетызацыю.
«Афiцыйны запуск YouTube у Беларусi дазволiць беларускiм стваральнiкам кантэнту больш эфектыўна прасоўваць свае ролiкi не толькi ў нашай краiне, але i ва ўсiм свеце, — адзначыла Наталля Карабко, менеджэр па развiццю бiзнеса ў Беларусi. — Кампанiя будзе садзейнiчаць развiццю благасферы Беларусi i выступiць кансультантам для беларускiх вiдэаблогераў, аудыторыя якiх увесь час расце. Ужо сёння, паводле нашых дадзеных, 49% карыстальнiкаў байнэту фармiруюць меркаванне i прымаюць рашэнне пра набыццё чаго-небудзь пасля прагляду вiдэа на YouTube».
Релоцировались? Теперь вы можете комментировать без верификации аккаунта.