«Але іншыя платформы яшчэ горшыя». Фрылансер тлумачыць, чаму UpWork скаціўся

Хто піша: Антон, працуе на UpWork з 2004 года, піша на PHP/JS, SQL. Вы таксама можаце пачаць свой блог на dev.by! Пішыце на blogs@dev.by, зробім разам нешта крутое.

Праблемы пачаліся пасля вайны

На UpWork я спакойна працаваў цягам 18 гадоў. Пасля пачатку вайны платформа стала недасяжнай для беларусаў і расейцаў. Таму я паехаў у Грузію, змяніў месца знаходжання, вярнуўся ў Беларусь і цяпер працую праз VPN. 

Гэта не адзіная складанасць, якая з’явілася на платформе. Я іх звязваю з крызісам індустрыі. 

• UpWork змяніў сваю стратэгію. Раней іх асноўны даход быў з камісіяў па бягучых праектах (прагрэсіўная шкала 20%/10%/5% — у залежнасці ад даходу). Яе адмяняюць — з усіх праектаў будуць браць 10%. Максімальная эканомія выходзіць 50$, я ж губляю недзе 1500$ у паўгода. 
• З’явіўся механізм boost — магчымасць зрабіць тваю прапанову больш бачнай для кліента. Без яго цяжка дабіцца нават адказу замоўцы. Адзін буст каштуе $0.25, а іх можна патраціць на праект 100, 200, 300 — ліміту няма. 
• Расце канкурэнцыя з таннымі фрылансерамі з Індыі і Пакістану. Магчыма, іх усіх аднекуль звольнілі або UpWork мэтанакіравана прыцягвае такіх кліентаў. На практычна любую замову імгненна з’яўляецца 50+ прапаноў ад фрылансераў — губляецца сэнс нават чытаць тэкст праекту. 

Астатнія платформы для фрылансераў лічацца яшчэ горшымі. Я сам не спрабаваў працаваць на fiverr ці toptal, але чуў такія меркаванні ад іншых. Адна знаёмая працуе на расейскім kwork і агулам задаволеная. Цікава было б пра гэта больш прачытаць.

Колькі можа зарабляць middle-распрацоўнік

На UpWork можна знайсці праекты па добрых рэйтах, але гэта не проста. $40/hr брутта гэта не нейкі космас. Зараз у індустрыі крызіс, і знайсці рэйт 50-60$ цяжэй, але ўсё магчыма.

Асноўныя рэйты — 25$/hr. Гэта прыблізна $4200 brutto у месяц — для крызіснай беларускай айці нармальна. Самы вялікі рэйт, што я бачыў — $400/hr, столькі прапаноўвалі спецыялісту ў блакчэйне і крыптаматэматыцы. 

Звычайна я працую на праектах з гадзіннай аплатай: кліент добра разумее, што за дадатковыя патрабаванні ён будзе плаціць.

Але трэба ўмець не толькі добра пісаць код і гутарыць на англійскай мове, але яшчэ неяк прадаваць сабе. 

Я ўжо пачаў шукаць звычайную працу ў штат праз LinkedIn. Хачу з’ехаць у Літву або Латвію. Можна даўно было з’ехаць у Грузію, але не бачу там сабе будучыні. Ды і тут застаюцца бацькі, дачка — з Грузіі сюды лятаць надта дорага.

Меркаванне аўтараў можа не адлюстроўваць пазіцыю рэдакцыю. 

Вы выдаткавалі на гэты матэрыял дзве хвіліны. Выдаткуйце яшчэ 15 секунд, калі ласка.  

dev.by, як і іншым сумленным медыя, сёння вельмі складана: рэдакцыя працуе па-за межамі краіны, а нашыя рэкламныя даходы скараціліся ў некалькі разоў.

Але мы даем рады — з вашай дапамогай. Гэта вы дзеліцеся з намі інфанагодамі, думкамі, досведам, часам і ўвагай. А 170 чытачоў падтрымліваюць нас данатамі. У 2023 годзе мы хочам сабраць 1000 чытачоў-падпісчыкаў. 

Дапамагчы нам можна праз Patreon. 

З Беларусі — праз Donorbox.

І яшчэ крыптой, тут гаманцы.

Дзякуй, што прачыталі гэтае паведамленне.

Што яшчэ пачытаць?

• «Буду дзедам-фрылансерам». Лічбавы качэўнік распавядае, як зарабляе на UpWork
• Фрыланс-біржа для навічкоў: ад рэгістрацыі да першай замовы
• Як павысіць шанцы на афер? Дзялюся шаблонам для эфектыўнага пошуку працы