Рынак працы робіцца ўсё менш гасцінным для маладых спецыялістаў, але Meta ідзе супраць трэнду — яна актыўна наймае выпускнікоў і гатова плаціць інжынерам-пачаткоўцам да $290 тысяч у год, піша Fortune.
Рынак працы робіцца ўсё менш гасцінным для маладых спецыялістаў, але Meta ідзе супраць трэнду — яна актыўна наймае выпускнікоў і гатова плаціць інжынерам-пачаткоўцам да $290 тысяч у год, піша Fortune.
У кампаніі Марка Цукерберга адкрыты пазіцыі для фулстэк-распрацоўшчыкаў і прадуктовых распрацоўшчыкаў, на якіх не патрабуюць дзесяткі гадоў вопыту. Дастаткова мець за плячыма бакалаўрыят па інфарматыцы, інжынерыі ці прыкладных навуках. Досвед можа быць у выглядзе курсаў, стажыроўкі, дыпломнага праекта ці года працы з PHP, Hack, C++, Python, React ці інфраструктурай для буйнамаштабнага захоўвання дадзеных. На адной з пазіцый — для iOS-распрацоўшчыка — патрабуецца год досведу ў аб’ектна-арыентаванай распрацоўцы, шматпаточным праграмаванні і працы з Linux ці Unix.
За гэтыя кампетэнцыі кампанія прапануе нядрэнныя грошы — ад $176 тысяч да $290 тысяч у год (уключаючы бонусы і опцыі). Але цалкам аддалёна працаваць не атрымаецца — усе вакансіі прадугледжваюць наведванне офіса ў Вашынгтоне ці Каліфорніі.
Выпускнікам, якія мараць патрапіць у Meta, варта ўлічваць, як сам Цукерберг ацэньвае кандыдатаў. Ён не раз падкрэсліваў, што навыкі важней за дыплом. «Калі чалавек паказаў, што здольны глыбока пагрузіцца ў прадмет і рабіць нешта сапраўды добра, значыць, ён навучыўся засвойваць новае і даводзіць гэта да дасканаласці, а гэты навык прыдатны амаль паўсюдна», — казаў Цукерберг у інтэрв’ю Bloomberg. Тым не менш для стартавых пазіцый у Meta бакалаўрыят застаецца абавязковым.
Шасцізначныя зарплаты на ўзроўні джуноў — рэдкасць для рынку, які перажывае спад, адзначае Fortune. Па дадзеных Washington Post, колькасць праграмістаў у ЗША ўпала да мінімальнага ўзроўню з 1980-х гадоў — аўтаматызацыя і ШІ скарачаюць колькасць працоўных месцаў хутчэй, чым з’яўляюцца новыя.
Даследаванне Pave паказвае, што за апошнія два гады доля супрацоўнікаў ва ўзросце 21-25 гадоў у публічных тэхнагігантах, уключаючы Meta, скарацілася з 15% да 6,8%. У прыватных кампаніях паказчык знізіўся з 9,3% да тых жа 6,8%.
Асноўная прычына — ціск на кампаніі «рабіць больш з меншымі выдаткамі» і актыўная аўтаматызацыя. Хаця ў Pave адзначаюць, што Meta заўсёды рабіла стаўку менавіта на маладых спецыялістаў — знаходзіла разумных 21-гадовых выпускнікоў і сама данавучвала іх.
Рэлацыраваліся? Цяпер вы можаце каментаваць без верыфікацыі акаўнта.