Стартап вучыць размаўляць па-беларуску на працы. У IT таксама

«Мова прафесіі» — гэта мабільны дадатак пад iOS и Android, які мусіць навучыць беларусаў размаўляць па-беларуску на працы (i не блытаць родную мову з украiнскай цi нейкай iншай). 

Праект мае тры звязаныя паміж сабой кампаненты, якія прысвечаныя адраджэнню беларускай мовы:

• donar.by — на якім можна завесці профіль «донара беларускай мовы» і дапамагчы тым, хто толькi вывучае яе. З дапамогай donar.by тысячы валанцёраў сабралі ўжо 1000 гадзін беларускага маўлення для Mozilla Common Voice, натрэніравалі кампутар, каб ён мог разумець беларускую мову, і агучылі ўсе заданні для «Мовы прафесіі»; 
• непасрэдна сама mova.pro — мабільны дадатак, дзе можна практыкаваць беларускае маўленне і прайсці сертыфікацыю на веданне мовы;
• say.by — дзе можна пабачыць кампаніі, якiя падтрымліваюць беларускую мову, адшукаць профілі «донараў мовы» і нават паслухаць, як гучаць іх галасы.

Стваральнiк say.by Аляксандр Шастаковiч зазначае, што акрамя прафесійных сфер, сэрвiс «Мовы прафесіі» знаёміць сваiх карыстальнiкаў з асаблівасцямі беларускай фанетыкі, асновамі ветлівасці ды іншымі агульнымі тэмамі.

Праграму распрацоўвалі дзясяткі IT-спецыялістаў, навукоўцаў і мовазнаўцаў, а правільнасць беларускай мовы ў заданнях правяраў Інстытут мовазнаўства імя Якуба Коласа.

Да Дня мовы каманда say.by зрабiла невялiчкi тэст на веданне мовы. Прайсцi яго можна па спасылцы. А калi спадабалася — спампаваць дадатак, прайсцi яшчэ заданнi і атрымаць сертыфікат сапрауднага знаўцы беларускай мовы у сваёй галiне.