Польшча, Грузія ці Германія — што выбраць? Гіды па 6 краінах

Польшча

Гід з масай спасылак і падрабязнымі інструкцыямі па розных аспектах жыцця ў Польшчы. У раздзеле пра пошук жытла можна знайсці прыклады фраз на польскай, якія дапамогуць камунікаваць з арэндадаўцамі. 

Грузія

Некаторыя моманты, апісаныя ў гідзе, састарэлі ад мая — напрыклад, цэны на жытло ў Тбілісі моцна змяніліся праз наплыў у горад расійцаў пасля абвяшчэння мабілізацыі. Але ў цэлым тэкст па-ранейшаму актуальны. Вы даведаецеся, як арыентавацца ў Тбілісі пры выбары жытла, на якія нюансы арэндных дамоў звярнуць увагу, дэталі адкрыцця грузінскага ІП і многае іншае. Выбраць паміж Тбілісі і Батумі дапаможа гэты артыкул.  

Узбекістан

Адразу пасля пачатку вайны многія беларускія кампаніі рэлакавалі супрацоўнікаў ва Узбекістан. З таго часу многія беларусы ўжо пакінулі сярэднеазіяцкую краіну. Уражанні айцішнікаў ад Узбекістана і Ташкента ў сакавіку можна прачытаць тут, а тут — меркаванні тых, хто застаецца там ужо больш за паўгода.  

Сербія

Беларусы могуць знаходзіцца ў Сербіі 30 дзён без візы. У гідзе вы знойдзеце інфармацыю пра тое, як легалізавацца пасля гэтага тэрміну, як уладкавацца ў сербскі офіс ІТ-кампаніі (у Бялградзе працуюць Microsoft, EPAM, Wargaming) і іншую карысную інфармацыю. 

Ізраіль

У Ізраілі можна легалізавацца і без наяўнасці габрэйскіх каранёў (асноўныя варыянты — працоўная або вучэбная віза), але для габрэяў варыянтаў значна больш. Можна нават прыляцець у Ізраіль як турыст і ў аэрапорце падаць заяву на рэпатрыяцыю. У гідзе шмат падрабязнай інфармацыі пра медыцынскую, банкаўскую і падатковую сістэму Ізраіля. 

Германія, Мюнхен

А вось гід па жыцці ў адным нямецкім горадзе. Айцішнік жыве ў Мюнхене ўжо два з паловай гады і расказвае пра пошук працы без ведання нямецкай, арэнду кватэры, мясцовае ІТ-кам’юніці і нямецкі менталітэт.