Мы шукалі кейсы з крыпта-заробкамі ў розных юрысдыкцыях (рызык паўсюль нямала). Знайшлі два — з Эстоніі і Польшчы. Досвед двух беларускіх айцішнікаў атрымаўся вельмі розным.
Мы шукалі кейсы з крыпта-заробкамі ў розных юрысдыкцыях (рызык паўсюль нямала). Знайшлі два — з Эстоніі і Польшчы. Досвед двух беларускіх айцішнікаў атрымаўся вельмі розным.
QA Мацвей* жыве ў Эстоніі і каля года атрымліваў заробак у крыптавалюце.
— Я працаваў на невялікі стартап з крыптасферы, які быў зарэгістраваны ў афшоры на Брытанскіх Віргінскіх астравах. Мы адразу дамаўляліся на аплату ў стэйблкойнах, прывязаных да амерыканскага долара. Таму можна сказаць, што мой заробак фіксаваўся ў доларах.
Стэйблкойны я атрымліваў на свой кашалёк, а потым праз біржу мяняў іх на еўра і пераводзіў на рахунак сваёй юрасобы ў эстонскім банку LHV. І з гэтым банкам у мяне ўзніклі невялікія праблемы: ім не вельмі спадабалася, што фірма-працадавец была зарэгістравана ў афшоры. Яны пачалі патрабаваць вельмі шмат розных звестак, пацверджанняў, дагавораў, звестак аб заснавальніках кампаніі.
Спачатку я адказваў на іх запыты дзень у дзень. Потым звярнуў увагу на тое, што яны даюць на адказ два тыдні, і пачаў адкладваць адпраўку адказаў з неабходнымі дакументамі на апошні дзень дапушчальнага тэрміну. Так працягвалася два-тры месяцы, але аднойчы раніцай я выявіў, што гэты мой рахунак закрылі. Хоць дакументы, якія яны патрабавалі, я ім адпраўляў.
Думаю, што ім не спадабалася ў першую чаргу тое, што фірма зарэгістравана ў афшоры. На Брытанскіх Віргінскіх астравах закрыты бізнес-рэестр, і банкі гэта не вельмі любяць. Верагодна, сваю ролю адыграла і беларускае грамадзянства.
Цяжка сказаць, узніклі б такія праблемы ў грамадзяніна Эстоніі. Але памятаю, што рахунак для маёй фірмы яны адкрывалі тыдні тры — гэта доўга. З іншага боку, у мяне дасюль у гэтым банку ёсць асабісты рахунак, я ім карыстаюся.
На момант закрыцця на рахунку юрасобы ў мяне заставалася даволі вялікая сума грошай. Я не стаў іх адтуль выводзіць, бо хацеў яшчэ паспрабаваць паваяваць. Напісаў заяву ў суд. Але, на жаль, ШІ не зусім правільна падлічыў памер дзяржмыта, якое я павінен быў заплаціць за зварот, таму маю заяву адхілілі. Адным словам, пакуль мае грошы ў банка: яны не могуць нічога з імі зрабіць, а я нічога не магу зрабіць з рахункам.
У рэшце рэшт я проста адкрыў два рахункі ў іншых банках: у мясцовым OP і ў Revolut. І пачаў працаваць ужо праз іх.
Адзначу, што з боку падатковых органаў ніякіх пытанняў да мяне не было. У той час у мяне была бухгалтар, якая акуратна падавала штомесячныя дэкларацыі, а я проста аплачваў падаткі. Праблемы былі толькі з боку банка.
А вось пазітыўны прыклад (пакуль) без падводных камянёў.
Senior Software Engineer Адам* працуе ў Польшчы.
Кампанія, на якую ён працуе, плаціць яму за працу ў крыпце — але фактычна пераводзіць яе на рахунак бізнес-інкубатара. А той ужо, утрымаўшы 2% за вывад, адпраўляе на доларавы рахунак Адама фіятныя грошы. І з іх ужо Software Engineer плаціць сабе афіцыйны заробак:
— Гэта гданьскі інкубатар B2B4U. Атрымліваю заробак па такой схеме два месяцы, ніякіх пытанняў ад банка або ад падатковай не было. І, думаю, не будзе: крыпта прыходзіць на кашалёк інкубатара, гэтымі пытаннямі займаюцца яны.
Памер заробку, хоць яна і выплачваецца ў крыпце, прывязаны да долара ЗША. Тут усё як звычайна: курс «плавае» і памер заробку ў доларах таксама крыху мяняецца.
Я першапачаткова ішоў да працадаўцы, які сказаў, што можа плаціць у крыпце. Мяне гэта задавальняла.
* — імя апавядальніка змененае
Релоцировались? Теперь вы можете комментировать без верификации аккаунта.