7 тэхнагігантаў, у якіх пакуль не было масавых скарачэнняў
Паводле даных трэкера layoffs.fyi, ад пачатку года працы пазбавілася больш за 100 тысяч супрацоўнікаў ІТ-індустрыі. Google звальняе 12 тысяч чалавек, Microsoft — 11 тысяч, Amazon — 18 тысяч, Salesforce — 7 тысяч, і гэта далёка не поўны спіс. Insider сабраў буйныя кампаніі, у якіх пакуль не было скарачэнняў.
Nvidia
Вытворца відэакарт для геймераў, майнераў і ПК. Улетку кампанія пад кіраўніцтвам Джэнсена Хуанга замарозіла найманне на тле эканамічнай сітуацыі, але цяпер налічвае больш за тысячу вакансій. Таксама Nvidia інвестуе ў штучны інтэлект.
Apple
Кіраўнік Apple Цім Кук сам прапанаваў зрэзаць сабе заробак у 2023 годзе. Не каб пазбегнуць скарачэнняў, але ўсё ж. З топавай пяцёркі найбуйнейшых ІТ-кампаній Apple адзіная не наймала так заўзята падчас пандэмійнага буму.
Cloudflare
Разумна да наймання падышла і Cloudflare — інакш не пазбегла б долі Google, Microsoft, Meta і Amazon, расказваў у Давосе гендырэктар Мэцью Прынц. І наогул ён рады рэцэсіі.
Block
Block — фінтэх-кампанія сузаснавальніка Twitter Джэка Дорсі, створаная ў 2009 годзе. Ілан Маск пасля куплі сацсеткі адразу выставіў 50% супрацоўнікаў, яшчэ некалькі сотняў сышлі пасля «ўльтыматуму» або былі звольненыя з розных прычын. Мільярдэр сцвярджае, што цяпер у Twitter каля 2300 чалавек — да яго прыходу было 7500.
Broadcom
Мінулага мая чыпмэйкер абвясціў пра куплю VMWare за $61 млрд. Угода пакуль не закрытая, але супрацоўнікі абедзвюх кампаній асцерагаюцца скарачэнняў, якіх пакуль не было. Некаторыя пасля анонсу сталі сыходзіць самі.
AMD
AMD пацярпела пасля ўвядзення экспартных абмежаванняў ЗША, якія ўскладнілі продаж абсталявання ў Кітай. Тым не менш пры Лізе Су чыпмэйкер заняў рэкордную долю рынку — 31,3% — і глядзіць у будучыню з аптымізмам.
Пасля звальненняў — або нават да — супрацоўнікі ідуць у бізнэс-сацсетку, каб пабедаваць пра тое, што здарылася, і знайсці новую працу. Але ў самой LinkedIn скарачэнняў пакуль не было — у адрозненне ад Microsoft і GitHub, якая ёй належыць.
Читать на dev.by