Назад дарогі няма: толькі 1% уладальнікаў электракараў вернецца да аўто з РУЗ
Вельмі нешматлікія кіроўцы гатовыя перасесці назад на аўто з бензінавым або дызельным рухавіком пасля куплі электрычнага. Да такой высновы прыйшлі ў арганізацыі Global EV Alliance па выніках апытання больш як 23 тысяч уладальнікаў электракараў у 18 краінах, уключаючы ЗША, Канаду, Францыю, Польшчу і іншыя.
92% апытаных пасля цяперашняга электракара збіраюцца купляць яшчэ адзін. Толькі 1% уладальнікаў электрамабіляў плануе вярнуцца на аўто з РУЗ. Яшчэ 4% рэспандэнтаў глядзяць у бок гібрыдаў, астатнія не вызначыліся або далі іншы адказ.
Галоўным фактарам выбару на карысць электрамабіляў стала тое, што яны таннейшыя ў эксплуатацыі — так адказалі 45% рэспандэнтаў. Другім па значнасці аргументам стала экалагічнасць. Сярод іншых прычын — электракары менш шумяць, маюць добрую кіравальнасць і патрабуюць менш выдаткаў на абслугоўванне.
Читать на dev.by