«Самыя прадаем сябе танней». Як заробкі айцішніц адрозніваюцца ад заробкаў айцішнікаў
Жанчынам у ІТ могуць плаціць менш, але яны не звязваюць гэта з гендэрам.
Жанчынам у ІТ могуць плаціць менш, але яны не звязваюць гэта з гендэрам.
Працягваем даследаваць партрэт і самаадчуванні беларускай айцішніцы ў 2026 годзе. Наблізім фокус і ўгледзімся ў заробкавыя адрозненні.
«Я і мае знаёмыя жанчыны першапачаткова прадаём сябе танней»
Калі непрыемнасці ў пытанні працоўнай камунікацыі айцішніцы часцей адмаўляюць або не заўважаюць, то фінансавы дабрабыт іх непакоіць больш. І тут назіраюцца супярэчлівыя тэндэнцыі.
«Цяжка прыцягнуць увагу, калі ўсе вакол 170+ см, а ты 158». Вось з чым (не) прыходзіцца мець справу «таму што жанчына»
«Цяжка прыцягнуць увагу, калі ўсе вакол 170+ см, а ты 158». Вось з чым (не) прыходзіцца мець справу «таму што жанчына»
З аднаго боку, толькі крыху больш за 7% удзельніц лічаць, што ім недаплачваюць праз іх пол.
Найбольшая частка ўдзельніц (45%) згодна, што ім недаплачваюць, але гэта, паводле іх, не пра гендар, а амаль столькі ж (42%) увогуле задаволеныя сваім заробкам (10 айцішніцам нават пераплачваюць — ціха!).
З іншага боку, на пытанне, ці зарабляюць жанчыны ў ІТ менш мужчын на аналагічных пазіцыях, 58% адказваюць станоўча.
Большасць, праўда, мяркуе, што не ўсюды, але кожная шостая ўдзельніца — што гэта адбываецца паўсюдна.
У свабодных адказах частка айцішніц звяртае ўвагу на сітуацыю на рынку. Частка — на тое, што жанчыны спачатку мала просяць.
- «Спачатку была незадаволена, але, параўнаўшы свае ўмовы з бягучымі вакансіямі па Мінску, змяніла меркаванне. Мой заробак у раёне 5 500 BYN — гэта камфортна для Мінска і, думаю, адпавядае рынку для 2D-мастакоў у мабільных гульнях. Можа, нават крыху вышэй за рынак (у мяне 4 гады досведу)».
- «Цяпер не працую, але калі працавала, у адной кампаніі недаплачвалі, а ў іншай пераплачвалі».
- «Гэта залежыць ад таго, як сябе прадаеш. Але я бачу, што я і мае знаёмыя жанчыны першапачаткова прадаём сябе танней, бо сумняемся ў сваіх кампетэнцыях».
- «Раней я не прасіла перагляду заробку, таму яна расла на 50$ у год. Але аднойчы мой калега даведаўся пра гэта і моцна ўсыпаў мне, навучыў сябе прадаваць і адправіў патрабаваць павышэння. Цягам месяца мне паднялі заробак на 500$!»
«Калегі-жанчыны зараблялі больш».
Больш за палову айцішніц хаця б раз у жыцці заўважалі, што калегі-мужчыны на аналагічных пазіцыях зарабляюць больш, праўда трэць з іх (18% усіх удзельніц) думае, што гэта не звязана з іх полам.
Кожная пятая адмаўляе такія выпадкі, а больш за чвэрць увогуле не ведае, ці былі падобныя сітуацыі (і гэта заканамерна ў кампаніях з NDA).
Вось сведчанне няроўнасці на карысць мужчын:
- «Так, працавала з мужам на падобных пазіцыях у адной кампаніі, і мой заробак быў на 30% ніжэй».
А вось — наадварот, на карысць жанчын:
- «Было так, што калегі-мужчыны зарабляюць менш на той жа пазіцыі».
- «Калегі-жанчыны зараблялі больш».
Адказы ў блоку пра гендэрную дыскрымінацыю дэманструюць адносны дабрабыт у ІТ-галіне, прынамсі, у частцы працоўнай камунікацыі.
У той жа час канстатацыя фінансавай няроўнасці па-за сувяззю з полам наводзіць на думкі пра тое, што гэтае меркаванне (пра адсутнасць сувязі) можа быць часткова прадыктавана заніжанай самаацэнкай, пра якую кажуць самі ўдзельніцы.
«Так сабе эліта». Ці адчуваюць сябе айцішніцы «соллю зямлі беларускай» — як айцішнікі
«Так сабе эліта». Ці адчуваюць сябе айцішніцы «соллю зямлі беларускай» — як айцішнікі
«Часам ёсць пагарда ад мужчын 40+ з СНД». Як адчуваюць сябе айцішніцы ў мужчынскіх камандах
«Часам ёсць пагарда ад мужчын 40+ з СНД». Як адчуваюць сябе айцішніцы ў мужчынскіх камандах
Релоцировались? Теперь вы можете комментировать без верификации аккаунта.
а разнарядку дев бая с фемини направлением уже не скрыть
Если женщинам нужно платить меньше при тех же самых скиллах и уровне, то почему все компании не нанимают только женщин для экономии ФОТ, это же так очевидно!
заговор патриархалов. только ТСС