Кампанія, якой належыць паштовы сервіс Proton Mail, вырашыла праверыць, наколькі добра яе супрацоўнікі ўмеюць выкарыстоўваць ШІ. Вынікі могуць паўплываць на іхныя пасады, абавязкі і нават далейшае працаўладкаванне.
Кампанія, якой належыць паштовы сервіс Proton Mail, вырашыла праверыць, наколькі добра яе супрацоўнікі ўмеюць выкарыстоўваць ШІ. Вынікі могуць паўплываць на іхныя пасады, абавязкі і нават далейшае працаўладкаванне.
Пра гэта паведамляе 404 Media са спасылкай на ўнутраны ліст Proton, разасланы супрацоўнікам 26 кастрычніка. Кіраўніцтва тлумачыць рашэнне неабходнасцю хутчэй укараняць ШІ ў працоўныя працэсы і ствараць новыя прадукты.
Генеральны дырэктар Proton Энды Йен ужо асабіста правёў суразмоўі з больш чым 40 кіраўнікамі інжынерных і прадуктовых падраздзяленняў. Цяпер кампанія намерана распаўсюдзіць гэту практыку на астатніх супрацоўнікаў.
Паўторныя суразмоўі пройдуць з 4 па 11 лістапада, аднак запрашэнні атрымаюць не ўсе. Ацэньваць супрацоўнікаў будуць кіраўнікі з высокімі навыкамі працы з ШІ, прычым не з іхных непасрэдных камандаў.
Працаўнікам трэба будзе расказаць, як яны ўжываюць ШІ для вырашэння рэальных задач, што змянілася ў іх падыходзе да працы і якіх вынікаў удалося дасягнуць. Звычайнага пераліку інструментаў, якія яны выкарыстоўваюць, недастаткова. Кампанія таксама хоча зразумець, ці здольныя супрацоўнікі засвойваць новыя тэхналогіі ды вызначаць, калі іх прымяненне апраўдана.
У лісце кіраўніцтва папярэджвае, што да суразмоўяў трэба паставіцца сур’ёзна. Ацэнкі стануць часткай больш шырокай праверкі персаналу, па выніках якой могуць змяніцца пасады, абавязкі і рашэнні пра далейшае працаўладкаванне. Пры гэтым супрацоўнікі, якія паспяхова засвоілі ШІ, могуць атрымаць павышэнне і дадатковыя кіраўніцкія паўнамоцтвы.
Гісторыя выклікала абурэнне на Reddit. Некаторыя карыстальнікі раскрытыкавалі падыход кампаніі ды заявілі, што разглядаюць магчымасць адмовіцца ад яе сервісаў.
У адказ прадстаўнікі Proton апублікавалі тэкст унутранага ліста і заявілі, што кампанія не збіраецца праводзіць скарачэнні, прыкрываючыся ўкараненнем ШІ. Паводле іх, Proton, наадварот, адчувае недахоп спецыялістаў і актыўна наймае новых супрацоўнікаў.
Добры дзень!
Штучны інтэлект карэнным чынам мяняе тое, як мы ствараем прадукты і працуем. Патрабаванні Proton да навыкаў супрацоўнікаў мяняюцца, і мы павінны паскорыць пераўтварэнні, каб заставацца канкурэнтаздольнымі і выконваць нашу місію.
Ад таго, наколькі паспяхова мы справімся з гэтай задачай, залежыць будучыня Proton. Нам трэба людзі, здольныя выкарыстоўваць магчымасці ШІ для стварэння якасных прадуктаў, павышэння эфектыўнасці і ўкаранення новых спосабаў працы. Пры гэтым важна падыходзіць да зменаў з цікаўнасцю, здаровым сэнсам і разуменнем неабходнасці дзейнічаць хутка.
На мінулым тыдні Энды правёў суразмоўі з больш чым 40 кіраўнікамі інжынерных і прадуктовых падраздзяленняў, пачаўшы гэты працэс. Цяпер мы пашыраем практыку паўторных суразмоўяў, каб ацаніць, як супрацоўнікі адаптуюцца да ШІ і ці валодаюць яны навыкамі і падыходам да працы, неабходнымі Proton на наступным этапе развіцця.
Гэта таксама магчымасць выявіць людзей, здольных узначаліць пераўтварэнні. Супрацоўнікі, якія ўмеюць пераасэнсоўваць сваю працу, ужываць ШІ на практыцы і дапамагаць іншым адаптавацца, могуць атрымаць больш адказнасці, хутчэй прасунуцца на кіраўніцкія пасады і паўплываць на будучыню Proton.
Што гэта азначае для вас?
Не ўсіх супрацоўнікаў запросяць на паўторнае суразмоўе.
З улікам маштабаў і тэрмінаў працэсу запрашэнні будуць накіроўвацца ў залежнасці ад патрэб кампаніі ў ацэнцы персаналу. Сам факт атрымання або адсутнасці запрашэння не варта ўспрымаць як паказчык вашай індывідуальнай ацэнкі. Пра любыя рашэнні, якія закранаюць ваша працаўладкаванне, вам паведамяць асобна.
Для запрошаных супрацоўнікаў паўторныя суразмоўі пройдуць з 4 па 11 лістапада.
Дадатковую інфармацыю пра расклад, фармат ды падрыхтоўку да суразмоўяў паведамяць цэнтралізавана.
Суразмоўе будзе праводзіць кіраўнік не з вашай каманды і не з вашай непасрэднай кіраўніцкай структуры.
Інтэрв’юераў абяруць з ліку кіраўнікоў, якія добра валодаюць ШІ і ўзгаднілі між сабой крытэрыі ацэнкі.
Будзьце гатовы абмеркаваць, як вы думаеце і працуеце.
Мы хочам зразумець, як вы ўжываеце ШІ для вырашэння рэальных задач, як ён змяніў ваш падыход да працы, якія магчымасці для паляпшэнняў вы бачыце і як, на вашу думку, павінна змяніцца ваша роля.
Падрыхтуйце канкрэтныя прыклады.
Будзьце гатовы расказаць, што менавіта вы змянілі ў сваёй працы, якіх вынікаў дасягнулі, чаму навучыліся, што не спрацавала і што вы зрабілі б інакш. Простага пераліку інструментаў, якімі вы карыстаецеся, будзе недастаткова.
Ваша здольнасць адаптавацца гэтак жа важная, як і вашыя цяперашнія прафесійныя навыкі.
Мы будзем ацэньваць, як вы вучыцеся новаму, пераглядаеце звыклыя падыходы да працы, прымаеце ўзважаныя рашэнні і выкарыстоўваеце магчымасці, якія адкрывае ШІ.
Якія наступствы?
Гэтыя паўторныя суразмоўі будуць мець рэальныя наступствы. Інтэрв’юеры зафіксуюць свае ацэнкі, якія стануць часткай больш маштабнай праверкі арганізацыйнай структуры і персаналу кампаніі.
Па выніках гэтай праверкі могуць змяніцца пасады супрацоўнікаў, іх абавязкі, а таксама рашэнні пра працяг працоўных адносін. Пра персанальныя вынікі кожнаму паведамяць наўпрост пасля прыняцця канчатковых рашэнняў.
Гэты працэс таксама дапаможа нам выявіць супрацоўнікаў, гатовых узяць на сябе больш шырокі круг задач і кіраўніцкія абавязкі па меры развіцця Proton.
Мы разумеем, што гэты працэс стварае нявызначанасць. Мы будзем выразна паведамляць, якія рашэнні ўжо прынятыя, а якія пытанні застаюцца адкрытымі, і пастараемся як мага хутчэй апавясціць кожнага супрацоўніка па вынікі.
Просім сур’ёзна паставіцца да паўторнага суразмоўя і падрыхтавацца да абмеркавання сваёй рэальнай працы, досведу выкарыстання ШІ і таго, які ўклад вы можаце ўнесці ў наступны этап развіцця Proton.
Сёння, а 16:00 па цэнтральнаеўрапейскім часе (CET) для атрымальнікаў гэтага ліста адбудзецца відэасустрэча, на якой мы адкажам на дадатковыя арганізацыйныя пытанні.
Сустрэча пройдзе паводле пазначанай спасылцы Proton Meet.
З найлепшымі пажаданнямі.
Релоцировались? Теперь вы можете комментировать без верификации аккаунта.
откровенно говоря - петушиная контора