Доля Tesla на рынку электрамабіляў ЗША ў жніўні ўпала да мінімальных значэнняў з 2017 года. Пра гэта піша Reuters са спасылкай на аналітыкаў Cox Automotive.
Доля Tesla на рынку электрамабіляў ЗША ў жніўні ўпала да мінімальных значэнняў з 2017 года. Пра гэта піша Reuters са спасылкай на аналітыкаў Cox Automotive.
Не так даўно Tesla займала больш за 80% электрамабільнага рынку ЗША. У жніўні яе доля склала 38%. Паказчык упершыню ўпаў ніжэй за 40% з кастрычніка 2017 года, калі кампанія нарошчвала вытворчасць Model 3 — свайго першага аўтамабіля для масавага спажыўца.
Пакуль канкурэнты выпускаюць новыя электракары, Tesla стала больш факусавацца на робатаксі і гуманоідных робатах, а планы па выпуску бюджэтных электрамабіляў адкладвае або наогул згортвае.
Зараз асноўнай крыніцай даходу для кампаніі застаецца менавіта аўтамабільны бізнес. Але пікап Cybertruck і блізка не паўтарыў поспех Model 3 ці Model Y, які калісьці быў сусветным бестселерам, а пасля абнаўлення не апраўдаў чаканняў. Tesla хутка адзначыць двухгоддзе падаючых продажаў.
«Tesla пазіцыянуе сябе як робататэхнічную і ШІ-кампанію. Але калі Tesla перш за ўсё аўтамабільная кампанія, а новыя прадукты не выпускае, то рынкавая доля пачынае зніжацца», — адзначаюць у Cox.
Для параўнання, у чэрвені доля кампаніі Ілана Маска ў ЗША складала 48,7%, у ліпені — 42%. Продажы Tesla, нягледзячы на зніжэнне рынкавай долі, выраслі на 7%. У жніўні рост Tesla запаволіўся да 3,1%, у той час як рынак, па папярэдніх дадзеных, вырас на 14%.
The Atlantic адзначае, што апошні план развіцця Tesla нашмат больш засяроджаны на робатах і ШІ, чым папярэднія. Пра працу над новымі электракарамі там не ўзгадваецца, а пра аўто ў цэлым гаворка ідзе толькі ў кантэксце робатаксі і батарэях, на якіх яны працуюць. Выданне мяркуе, што кампанія не бачыць сваю будучыню ў продажах аўто і накіравалася да выхаду з бізнесу.
Рэлацыраваліся? Цяпер вы можаце каментаваць без верыфікацыі акаўнта.