На мінулым тыдні фаўндар стартапа Playground AI Сухаіл Дашы абвінаваціў распрацоўшчыка Сахама Парэха з Індыі ў тым, што ён працуе адразу на некалькі кампаній адначасова. Пост узарваў галіну: яшчэ некалькі фаўндараў напісалі, як наймалі, а потым тут жа звольнілі айцішніка. Каб даць тлумачэнні, Парэх прыйшоў у ІТ-падкаст TBPN.
На мінулым тыдні фаўндар стартапа Playground AI Сухаіл Дашы абвінаваціў распрацоўшчыка Сахама Парэха з Індыі ў тым, што ён працуе адразу на некалькі кампаній адначасова. Пост узарваў галіну: яшчэ некалькі фаўндараў напісалі, як наймалі, а потым тут жа звольнілі айцішніка. Каб даць тлумачэнні, Парэх прыйшоў у ІТ-падкаст TBPN.
«Перш за ўсё хачу сказаць, што не ганаруся тым, што зрабіў. Я б сам гэта не ўхваліў. Наўрад ці каму падабаецца працаваць 140 гадзін на тыдзень, але я быў вымушаны гэта рабіць. Я быў у вельмі складаным фінансавым становішчы», — прызнаўся айцішнік.
We asked @realsohamparekh if he had been working multiple full-time jobs at once.
— TBPN (@tbpn) July 3, 2025
«It is true.»
«I’m not proud of what I’ve done. That’s not something I endorse either. But no one really likes to work 140 hours a week, I had to do it out of necessity.»
«I was in extremely dire… pic.twitter.com/IC3qXOPdSt
Парэх кажа, што амаль не спіць. Ён вырашыў не наймаць каманду джуноў, якія б рабілі працу за яго, і не карыстаўся ШІ. А на некалькі кампаній паралельна ён працаваў яшчэ да ШІ-буму.
«Для мяне гэта быў не бізнес. Мне была глыбока неабыякавая кожная з кампаній, на якую я працаваў», — падзяліўся Парэх. Пра звальненні ён у падкасце не згадваў.
Адзін з генеральных дырэктараў, да якіх спрабаваў наняцца Парэх, расказаў Business Insider, што ён бліскуча прайшоў сумоўі і назваў яго выдатным інжынерам — проста з топавых 0,1%. Але потым яго праверылі лепш і з-за сумяшчэння вырашылі не браць. Яшчэ адзін заснавальнік сказаў, што Парэх паспеў папрацаваць, але нядоўга — быў звольнены за «дрэнную прадукцыйнасць» пасля таго, як высветлілася, што ён працуе ў іншых месцах. Іншыя генеральныя дырэктары называлі распрацоўшчыка разумным і прыемным, але хацелі эксклюзіўныя правы на супрацоўніка, і таму развіталіся з ім.
Выданне падкрэслівае, што законы Каліфорніі, дзе базуецца большасць гэтых стартапаў, не забараняюць працаваць на некалькі кампаній адразу, нават канкуруючых. Але ці ўтрымлівалася такая забарона у працоўных дамовах, няясна.
Сітуацыя аднавіла абмеркаванне тэмы празмернай занятасці ў сеціве — і спарадзіла шквал мемаў. Кіраўнік фірмы Menlo Ventures Дзідзі Дас адзначыў, што ў свеце тысячы «Парэхаў», пра якіх мы не ведаем, і што калі дагавор не забараняе сумяшчаць, то прэтэнзій быць не павінна. Заснавальнік LinkedIn Рыд Хофман жартам пацікавіўся, які загаловак у профілі Парэха ў сацсетцы. Генеральны дырэктар Box Аарон Леві адзначыў, што калі б айцішнік заявіў, што ўвесь гэты час трэніраваў ШІ-агента для замены офісных работнікаў, то за лічаныя дні падняў бы $100 млн. Хтосьці запосціў плакат са словамі: «Нельга завесці 500 мільёнаў работ, не нажыўшы ніводнага ворага» — маўляў, чакаем экранізацыі. Гэта адсылка да слогана фільма «Сацыяльная сетка» пра Марка Цукерберга.
so psyched for this movie pic.twitter.com/vfqnAWhCN0
— Flo Crivello (@Altimor) July 3, 2025
Рэлацыраваліся? Цяпер вы можаце каментаваць без верыфікацыі акаўнта.
А при чём тут Лариса Долина?
А мог бы нанять 10 гребцов и не получил бы выгорания