2022 всё

Даставайце з мікрахвалёўкі папкорн, згадаем усе дзіўныя з’явы і няёмкія моманты ў годзе, што мінае. Мы сабралі 9 — прапаноўвайце дзясятага намінанта ў каментах.

Чым бліжэй Новы год, тым больш на сайтах з аб’явамі тэматычных падарункаў ад Wargaming. Заўсёднікі «барахолак» кажуць, гэта шматгадовая прыкмета. Некалькі гадоў таму гэтым часам «Куфар» завалілі аб’явамі пра продаж AirPods Pro — і ўсе ад супрацоўнікаў.  Вывучылі прапановы гэтай зімы: можа, цяпер гэта падарункі ад Lesta? Здаецца, амаль усё дарыў Wargaming, сёе-тое — аж у 2014 годзе.

Пры канцы года розныя краіны, інстытуты, выданні выбіраюць слова года. Так, беларускі праект «Толькі пра мову» назваў галоўнае слова 2022 — «вайна». Такі выбар зрабілі карыстальнікі сацсетак разам з камісіяй лінгвістаў.  dev.by вырашыў, што ў айцішнікаў таксама можа быць сваё слова. Прапаноўваем свае варыянты, чакаем вашых. Выбірайце.

Якія добрыя справы можна паспець зрабіць да Новага года? Сабралі прыкладны спіс, але, вядома, вы можаце дапоўніць яго сваімі ідэямі.

Захапляемся беларусамі і беларускімі, якія вывозілі ў 2022.

2022-ы на зыходзе. Ніхто не чакаў простага года, ніхто не памыліўся. У яго календары складана адшукаць светлыя падзеі і не так проста запомніць усе цёмныя. Мы паспрабавалі асэнсаваць галоўнае.

Спыталі нашых чытачоў, якіх падарункаў яны чакалі ў дзяцінстве на Новы год, і якія дораць цяпер сваім дзецям або маленькім сваякам (пачытайце, можа, якая-небудзь з ідэй вам прыдасца).

Як адсвяткаваць Новы год з бацькамі, калі вы ў эміграцыі і не спяшаецеся назад, а яны ў Беларусі і без візы? Адная з опцый — сустрэча ў трэцяй краіне. Падабралі 12 варыянтаў, куды беларусу не патрэбная віза і не занадта доўга ляцець (з гэтай прычыны ў спісе няма Егіпта: на канец снежня даступны толькі Каір, куды ляцець мінімум 13 гадзін, а то і ўсе 33. Плюс трэба купляць тур або афармляць візу самастойна). Звярніце ўвагу, што цэны квіткоў могуць мяняцца з часам.