Стужка

Карысную інфармацыю і парады падрыхтаваў Аляксей Герасімовіч.

Год таму мінчук Дзяніс Яцэнка вырашыў падцягнуць сваю англійскую. Але выявілася, што расклад у афлайнавых размоўных клубаў не надта і зручны. Наведаць сустрэчу ўдавалася толькі раз на тры тыдні. І таму ён вырашыў запусціць альтэрнатыву — анлайн-платформу, дзе людзі змогуць збірацца вечарамі і бясплатна гутарыць па-англійску. З гэтай ідэі вырасла праграма Govar. dev.by паразмаўляў з яе стваральнікам, нашто патрэбны такі прадукт, як яго можна манетызаваць і якія фічы дапамогуць вывесці праграму на новыя рынкі.

PM Зміцер Брыцько (досвед у ІТ — амаль 2 гады) падзяліўся ў лінкедзіне навіной: праз 3 месяцы пошукаў працы ў Беларусі ў яго, нарэшце, з’явіўся першы водгук — яго запрасілі… на пазіцыю прыбіральшчыка. Даведаліся, як так. А заадно абмеркавалі сітуацыю з прафесійным хэдхантарам і кар’ерным кансультантам. Ён у тым ліку ацаніў трэнд — чаму ў LinkedIn усё больш пастоў накшталт «Я UX/UI-дызайнер, але шукаю працу на шынамантажцы».

7 км — да найбліжэйшай крамы, 15 км — да Батумі. Бізнэс-аналітык Канстанцін (імя змененае на яго просьбу) жыве ў грузінскай вёсцы. Ад панядзелка да пятніцы на дварэ ён бавіць не больш за гадзіну, часам сустракаецца з калегамі ў Батумі, але нячаста. «Хікікаморы мімаволі», — усміхаецца наш суразмоўца. Калі dev.by кінуў заклік у пошуках айцішнікаў-пустэльнікаў, Канстанцін адазваўся першым. Выслухалі яго гісторыю.

EffectiveSoft звольніла больш за 20 чалавек у мінскім і польскім офісах. Акрамя таго, ад лістапада супрацоўнікам без камерцыйных праектаў (альбо з унутранымі праектамі, альбо на бэнчы) зрэзалі стаўку са 100% да 80%. Пра гэта dev.by расказаў адзін з супрацоўнікаў кампаніі. Топ-менеджмент EffectiveSoft патлумачыў камандзе, што такія рашэнні выкліканыя «бягучай сітуацыяй».